સ્ટોક માર્કેટ ક્રેશ / બુધવારના સ્ટોક માર્કેટ બ્લડબાથમાં ગૌતમ અદાણીને 3 મોટા ઝટકાં, આ શેર લેનાર પણ ખિસ્સાં ખાલી

બુધવારે શેરબજારમાં કોહરામ મચ્યો છે. ભારે વેચવાલીને કારણે શેરબજારમાં મોટો કડાકો આવ્યો હતો અને એક દિવસમાં રોકાણકારોના 13 લાખ કરોડનો ધૂમાડો થઈ ગયો હતો. શેરબજારના આ ક્રેશમાં સૌથી મોટું નુકશાન ગૌતમ અદાણીને થયું છે. 

શું નુકશાન થયું અદાણીને 
શેરબજાર ક્રેશને કારણે ગૌતમ અદાણીની કંપનીઓનું માર્કેટ કેપ લગભગ 90,000 કરોડ ઘટી ગયું હતું. આ સાથે ગૌતમ અદાણી 100 અબજ ડોલરની ક્લબમાંથી બહાર થઈ ગયા હતા. 

કઈ કંપનીઓના શેરમાં ઘટાડો 
બુધવારે અદાણીના તમામ શેરોમાં ઘટાડો જોવા મળ્યો હતો, જેમાં સૌથી મોટો હિસ્સો અદાણી ગ્રીન એનર્જીનો શેર 9 ટકા સુધી ગગડ્યો હતો. આ સિવાય અદાણી ટોટલ ગેસમાં 7 ટકા, અદાણી એન્ટરપ્રાઇઝમાં 6 ટકા, અદાણી વિલ્મર 4 ટકા, અદાણી પોર્ટમાં 5 ટકા, અદાણી ગ્રીન સોલ્યુશનમાં 4.5 ટકા અને અદાણી પાવર 5 ટકા ઘટ્યા હતા. શેરમાં ઘટાડા વચ્ચે ગૌતમ અદાણીની નેટવર્થ ઘટીને 99.9 અબજ ડોલર થઈ ગઈ છે.

સેબી ચીફની આગાહી સાચી પડી 
સેબીના ચીફ માધવી પુરી બુચે થોડા દિવસ એસએમઆઈ આઈપીઓમાં ગોટાળાની આશંકા વ્યક્ત કરી હતી જે સાચી પડી છે. તેમની આગાહી પર ત્વરિત કામ કરાયું હોત તો સ્ટોક માર્કેટ આટલું મોટું ક્રેશ ન થયું હોત. 

અદાણીની બાદશાહી મહિનાભર ચાલી 
અદાણી 8 ફેબ્રુઆરીના દિવસે 100 અબજ ડોલરની ક્લબમાં સામેલ થયાં હતા અને મહિનાભરમાં તો તેઓ આ ક્લબમાંથી નીકળી પણ ગયાં.