બોગસ / મેચની ઓનલાઇન ટિકિટ લેનારા ચેતી જજો, ગાંધીનગર PDPUનો વિદ્યાર્થી છેતરાયો, ગઠિયાઓની ટ્રિક જાણી લેજો

• મેચની ઓનલાઇન ટિકિટ લેનારા ચેતજો
• ક્રિકેટ મેચની નકલી ટિકિટ આપી ગઠિયાએ કરી છેતરપિંડી
• ગાંધીનગર PDPUનો વિદ્યાર્થી રવિતેજા પજ્ઞા પંડિત છેતરાયો

આગામી 14 ઓક્ટોબરે અમદાવાદના નરેન્દ્ર મોદી સ્ટેડિયમમાં ક્રિકેટ વર્લ્ડ કપની મેચ ભારત અને પાકિસ્તાનની વચ્ચે રમાવાની છે. ત્યારે આ ભારત -પાકિસ્તાનની ક્રિકેટ મેચને લઈ નકલી ટિકિટ પધરાવતા ગઠિયાએ પણ એક્ટિવ થયા છે. ગાંધીનગર PDPUનો વિદ્યાર્થી રવિતેજા પજ્ઞા પંડિત છેતરાયો છે. વિધાર્થીએ ઈન્ટાગ્રામ આઈડીમાં આવેલી રીલમાં આધારે એક પોર્ટલથી ગઠિયાના સંપર્કમાં આવ્યો હતો. જે મારફતે ટિકિટ ખરીદી હતી

 6 ટિકિટ લેવાના કુલ 21 હજાર નક્કી કર્યા હતા.
રવિતેજા પજ્ઞા પંડિતએ 6 ટિકિટ લેવાના કુલ 21 હજાર રૂપિયા ગઠિયા સાથે નક્કી કર્યા હતા. જેમાં ટિકિટ પહેલા પ્રથમ 25 ટકા લેખે 6 ટિકિટના 5,250 રૂપિયા ભર્યા હતા. ઓનલાઈન ટિકિટ ઈ મેઈલથી મળશે અને તે પછી 50 ટકા લેખે રૂ.10,500 ભરવાના નક્કી કર્યા હતા. 25 ટકા રકમ ભર્યા પછી 17, ડી.18, ડી-19, ડી-20, ડી-21, ડી-22 બેઠક નંબર, બુકીંગ આઈડી અને ક્યુઆર કોડ મોકલ્યો હતા. QR Code સ્કેન કરતાં તે બોગસ હોવાનું જાણવા મળ્યું હતું.

સાયબર ક્રાઇમ બ્રાંચે ગુનો નોંધી તપાસ હાથ ધરી
જો કે, રવિતેજા પજ્ઞા પંડિત જાણ થઈ કે, તે છેતરપિંડીનો ભોગ બન્યો છે ત્યારે સાયબર ક્રાઇમ બ્રાંચે ગુનો નોંધી તપાસ કરતા આરોપી મધ્યપ્રદેશનો હોવાનું સામે આવ્યું હતું. જો કે, સમગ્ર મામલે સાયબર ક્રાઇમ વધુ તપાસ શરૂ કરી છે. જો કે આ મેચને લઈ ક્રિકેટ પ્રેમીઓમાં ઉત્સાહ ભરપૂર છે તેમજ ટિકિટોનું પણ બુકિંગ થઈ ગયું છે ત્યારે કેટલાક ગઠિયાઓ પણ છેતરપિંડી આચરવા એક્ટિવ થયા છે.