સ્પોર્ટસ / પાકિસ્તાનના નવા કોચે કરી શુભમન ગિલની પ્રશંસા, ગણાવ્યો વર્લ્ડ ક્લાસ પ્લેયર, જાણો કેપ્ટનશીપને લઇ શું કહ્યું

IPL 2024માં ભલે શુભમન ગિલ ખરાબ ફોર્મમાં હોય, પરંતુ, તેમ છતાં, પાકિસ્તાનના વ્હાઇટ બોલ ક્રિકેટના નવા કોચે તેના ખૂબ વખાણ કર્યા છે.. તેમણે ગીલને સમર્થન આપ્યું છે. તેમની ક્ષમતા પર વિશ્વાસ વ્યક્ત કર્યો છે. પાકિસ્તાનની નવી બનેલી વ્હાઇટ બોલ ક્રિકેટ ટીમના કોચ ગેરી કર્સ્ટન છે, જેઓ હાલમાં IPL 2024માં ગુજરાત ટાઇટન્સના મેન્ટર છે. IPL 2024માં શુભમન ગિલની કેપ્ટન્સીમાં ગુજરાત ટાઇટન્સની હાલત ખરાબ છે. ટીમે અત્યાર સુધી રમાયેલી 11 મેચમાંથી માત્ર 4માં જ જીત મેળવી છે. પરંતુ, આ હોવા છતાં, કર્સ્ટન તેની કેપ્ટનશિપથી પ્રભાવિત જણાતા હતા.

ગિલ એક કેપ્ટન તરીકે ખૂબ જ પરિપક્વ છેઃકર્સ્ટન

ચેન્નાઈ સુપર કિંગ્સ સામેની મસ્ટ વિન મેચ પહેલા કર્સ્ટને કહ્યું હતું કે ગિલ એક કેપ્ટન તરીકે ખૂબ જ પરિપક્વ છે અને તેની પાસે આગામી 3 મેચોમાં તેના ખેલાડીઓમાંથી શ્રેષ્ઠ પ્રદર્શન કરવાની ક્ષમતા છે. IPL 2024માં ગુજરાત ટાઇટન્સની હાલત ચોક્કસપણે ખરાબ છે. એ પણ ચિંતાની વાત છે કે કેપ્ટન શુભમન ગીલ હાલ બેટિંગમાં ફોર્મમાં નથી.

ગિલ વર્લ્ડ ક્લાસ પ્લેયર- ગેરી કર્સ્ટન

ગેરી કર્સ્ટને CSK સામેની મેચ પહેલા પ્રેસ કોન્ફરન્સમાં કહ્યું હતું કે તેને લાગે છે કે ગિલ તેની કેપ્ટનશિપનો આનંદ માણી રહ્યો છે. તેમને નિપુણતા પ્રાપ્ત કરવામાં સમય લાગશે. પરંતુ હું માનું છું કે તે આ રોલને એન્જોય કરી રહ્યો છે. તેણે વધુમાં કહ્યું કે તે વર્લ્ડ ક્લાસ ખેલાડી છે. અને, મને કોઈ શંકા નથી કે તે આગામી 3 મેચમાં 1 કે 2 સારું પ્રદર્શન કરતો જોવા મળશે.

IPL 2024માં ગિલનો બેટિંગ ગ્રાફ નીચે ગયો

શુભમન ગિલે IPLની છેલ્લી સિઝનમાં રમાયેલી 17 મેચમાં 890 રન બનાવ્યા હતા. તે લીગમાં સૌથી વધુ રન બનાવનાર ખેલાડી હતો. પરંતુ, IPL 2024માં તેની કહાણી બિલકુલ વિપરીત છે. અત્યાર સુધી રમાયેલી 11 મેચોમાં શુભમનના બેટથી 137.61ના સ્ટ્રાઈક રેટથી માત્ર 322 રન જ બન્યા છે. આવી સ્થિતિમાં જો ગુજરાતે CSKને તેના હોમ ગ્રાઉન્ડ પર હરાવીને ટૂર્નામેન્ટમાં પોતાની આશા જીવંત રાખવી હશે તો ગીલે તેના ખરાબ ફોર્મમાંથી બહાર આવવું પડશે