શ્રાવણ મહીનો શરૂ થતાની સાથે જ ઠેર ઠેર જુગારની ક્લબો શરૂ થઈ જાય છે. ત્યારે અમદાવાદનાં પોશ વિસ્તાર એવા ન્યૂયોર્ક ટાવરમાં ચાલતા હાઈ પ્રોફાઈલ જુગારધામ પર પોલીસે રેડ પાડી 19 જુગારીયાઓની અટકાયત કરી રોકડ રૂ. 6,50,000 નો મુદ્દામાલ જપ્ત કરી આગળની કાર્યવાહી હાથ ધરી હતી.
Share
અમદાવાદમાં PCB ટીમના વસ્ત્રાપુર વિસ્તારમાં દરોડા
વસ્ત્રાપુરના ન્યુયોર્ક ટાવરમાં ચાલતા જુગારધામ પર દરોડા
PCBએ 19 જુગારીઓને જુગાર રમતા ઝડપ્યા
અમદાવાદનાં પોશ વિસ્તાર એવા વસ્ત્રાપુર-થલતેજ ચાર રસ્તાની બાજુમાં આવેલ ન્યૂયોર્ક ટાવર-એ માં નવમાં માળે આવેલ ઓફીસ નં.92 માં ધર્મેન્દ્ર ઉર્ફે ધમો પટેલ રહે. ઉંઝાવાળો હાઈ પ્રોફાઈલ જુગારધામ ચલાતવો હોવાની બાતમી પોલીસને મળતા PCB એ રેડ કરી 19 જુગારીયાઓ તેમજ રોકડ રૂ. 6 લાખ 70 હજાર સાહિત કુલ રૂ. 46 લાખનો મુદ્દામાલ જપ્ત કરી આગળની કાર્યવાહી હાથ ધરી હતી.
જુગાર રમાડવા માટે ઓફિસ ભાડે રાખી
અમદાવાદમાં વસ્ત્રાપુરનાં ન્યુયોર્ક ટાવરમાં ચાલતા જુગારધામ પર PCB એ દરોડા પાડી જુગાર રમી રહેલ 19 જુગારીયાઓ સહિત સાણંદ APMC ચેરમેનને પણ જુગાર રમતા ઝડપી પાડ્યા હતા. જુગારીયાઓને જુગાર રમવા માટે ન્યૂયોર્ક ટાવરમાં 9 માં માળે ઓફિસ ભાડે રાખી હતી. આ જુગારધામ ધર્મેન્દ્ર ઉર્ફે ધમો પટેલ ચલાવતો હોવાનું પોલીસ દ્વારા જણાવ્યું હતું. જુગારીયાઓ પૈસા ગણવા માટે મશીન પણ રાખતા હતા.
અમદાવાદનાં વસ્ત્રાપુર વિસ્તારમાંથી ઝડપાયેલ જુગારધામમાં પોલીસે 19 લોકોની ધરપકડ કરી છે. ત્યારે સુત્રો દ્વારા મળતી માહિતી મુજપ પકડાયેલા આરોપીઓમાં સાણંદ એપીએમસી ચેરમેન ખેંગાર સોલંકીનો પણ સમાવેશ થાય છે.
આ ટાવરમાં નવમાં માળે ચાલતું હતું જુગારધામ
જુગારધામ લાંબા સમયથી ચાલતુ હોય તેવી કોઈ હકીકત નથીઃ એચ.એમ.કણસાગર
આ બાબતે એ ડીવીઝનનાં ઈન્ચાર્જ એસીપી એચ.એમ. કણસાગરે જણાવ્યું હતું કે, પીસીબી શાખાનાં પોલીસ ઈન્સ્પેક્ટર એમ.સી. ચૌધરીને બાતમી મળી હતી કે, થલતેજ પાસે આવેલ ન્યૂયોર્ક ટાવરની અંદર 9 માં માળે બહારથી ખેલીઓ બોલીવી જુગાર રમી રમાતો હોવાની બાતમીનાં આધારે નવમાં માળે જઈ તપાસ કરતા ધર્મેન્દ્ર પટેલ જે પોતાની ઓફીસમાં બહારથી માણસો બોલાવી જુગાર રમાતો હોવાની બાતમી મળતા પોલીસે રેડ કરતા 19 જુગારીયાઓ મળી તેમજ રોકડ રકમ, પૈસા ગણવાનું મશીન તેમજ ગાડીઓ જપ્ત કરી તમામ આરોપીઓ સામે કાયદેસરની કાર્યવાહી હાથ ધરી છે. આ જુગારધામ લાંબા સમયથી ચાલતું હોય તેવી કોઈ હકીકત નથી.
