ગાંધીનગર / અગ્નિવીરો આનંદો! ગુજરાત સરકારે જાહેર કરી મોટી રાહત, નિવૃત્તિ સારી રીતે થશે પસાર

ગુજરાત સરકારે પૂર્વ અગ્નિવીરો માટે મોટું એલાન કર્યુ છે. સરકારની જાહેરાત અનુસાર, પૂર્વ અગ્નિવીર માટે ફોરેસ્ટ માં 20% અનામત રખાશે તેમજ તેમને શારીરિક કસોટીમાંથી મુક્તિ આપવામાં આવશે એટલું જ નહીં પરંતુ સામાન્ય રીતે ઉપલી વયમર્યાદામાં ૩ વર્ષની છૂટ પણ આપવામાં આવશે.

પ્રથમ બેચ ઉમેદવારોને ૫ વર્ષની છૂટ

અગ્નિવીરોની પ્રથમ બેચ ઉમેદવારોને ઉપલી વયમર્યાદામાં ૫ વર્ષની છૂટ મળશે.

અનામત માટે શું શરત?

ઉમેદવાર મૂળ ગુજરાતના હોવા જોઈએ અને અગ્નિવીર તરીકે નિવૃત્ત થયેલા હોવા જોઈએ.

પોલીસમાં 20 ટકા અનામતનું પણ એલાન

આ પહેલા 22 જુન 2026ના દિવસે ગુજરાત સરકારે પોલીસ દળના હથિયારી વિભાગ, સ્ટેટ રિઝર્વ પોલીસ (SRP), જેલ વિભાગ તેમજ વન વિભાગની ભરતીમાં પૂર્વ અગ્નિવીરો માટે 20 ટકા અનામતની જાહેરાત કરી હતી. આ પગલાથી અગ્નિવીર તરીકે દેશસેવા પૂર્ણ કરનારા યુવાનોને રાજ્ય સરકારની વિવિધ સેવાઓમાં જોડાવાની વધુ તક મળશે. આ ઉપરાંત પૂર્વ અગ્નિવીરોને ભરતી પ્રક્રિયામાં વય મર્યાદામાં 5 વર્ષની છૂટછાટ આપવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ