મનોરંજન / Awarapan 2 Trailer: "મોત કા કર્જ ચુકાને આયા હું..." ફરી ‘શિવમ પંડિત’ બનીને પરત ફર્યો ઇમરાન હાશમી, પ્રેમ-દર્દ અને બદલાની કહાનીનું ધમાકેદાર ટ્રેલર

ઇમરાન હાશ્મીના ચાહકો માટે એક મોટા સમાચાર સામે આવ્યા છે. તેની કલ્ટ ફેવરિટ ફિલ્મ 'આવારાપન'ના સિક્વલ 'આવારાપન 2' નું ધમાકેદાર અને ઇન્ટેન્સ ટ્રેલર રિલીઝ કરવામાં આવ્યું છે. લગભગ બે દાયકા (2007 પછી) બાદ ઇમરાન પોતાના યાદગાર પાત્ર શિવમ પંડિતના રોલમાં વાપસી કરી રહ્યો છે. એક દિલજલે આશિકની આ વાર્તા આ વખતે પહેલા કરતાં પણ વધુ ડ્રામેટિક અને એક્શનથી ભરપૂર જોવા મળશે. આ ફિલ્મ આ વર્ષે 14 ઓગસ્ટે સિનેમાઘરોમાં રિલીઝ થવાની છે.

બદલાની આગ અને નોસ્ટાલ્જિક મ્યુઝિક

1.25 મિનિટનું આ ટ્રેલર ઓરિજિનલ ફિલ્મના સુપરહિટ ટ્રેક સાથે શરૂ થાય છે, જે પ્રેક્ષકોને જૂની યાદોમાં લઈ જાય છે. વરસાદની વચ્ચે ઘાયલ ઇમરાનની એન્ટ્રી અને બેકગ્રાઉન્ડમાં વાગતું હાર્ટબ્રેકિંગ સોંગ 'તેરા મેરા રિશ્તા...' ફેન્સને નોસ્ટાલ્જિક ફીલ કરાવે છે. ટ્રેલરમાં શબાનાનું પાત્ર નેગેટિવ શેડમાં નજરે પડે છે, જે ઇમરાન (શિવમ) ને કહે છે- "એટલો સુંદર ચહેરો છે તારો, મૃત્યુને મળવાનો શોખ છે તને?" જેના જવાબમાં શિવમ કહે છે કે મૃત્યુ સાથે તેનો જૂનો સંબંધ છે અને એક કરજ છે જે તે ચૂકવવા માંગે છે.

સ્ટાર કાસ્ટ અને દમદાર પાત્રો

ટ્રેલરમાં શિવમ ભૂતકાળના ઝાખમો ભૂલી શક્યો નથી અને તેના બદલાની આગ તેમજ ઇમોશન્સ ખૂબ જ હાઇ દેખાઈ રહ્યા છે. ફિલ્મમાં દિશા પાટની 'ઝારા' ના રોલમાં જોવા મળી રહી છે, જે શિવમની સફરમાં એક મહત્વપૂર્ણ ભૂમિકા ભજવે છે. આ સિવાય શબાના 'નફીસા' ના પાવરફુલ પાત્રમાં છે, જ્યારે સપોર્ટિંગ રોલમાં પૂરન ગબ્બી અને સુરેન્દ્ર વિક્કી જેવા કલાકારો શામેલ છે.

આ પણ વાંચોઃ નેશનલ / વૃદ્ધાશ્રમમાં પિતાએ છેલ્લી ઘડી સુધી દીકરીઓની રાહ જોઈ, દીકરીઓએ ₹5,100 મોકલી Video Call પર જોઈ અંતિમ વિદાય

બોક્સ ઓફિસ પર ટક્કર

પહેલા પાર્ટની જેમ 'આવારાપન 2' માં પણ તેના સોલફુલ સોંગ્સ અને બેકગ્રાઉન્ડ મ્યુઝિક સૌથી મોટા હાઇલાઇટ સાબિત થઈ રહ્યા છે. વર્ષ 2007માં આવેલી 'આવારાપન' બોક્સ ઓફિસ પર ખાસ કમાલ કરી શકી ન હતી, પરંતુ તેના બીજા પાર્ટથી મેકર્સને ઘણી આશાઓ છે. બોક્સ ઓફિસ પર આ ફિલ્મની સીધી ટક્કર સની દેઓલની ફિલ્મ 'બંટવારા 1947' સાથે થવાની છે. બંને ફિલ્મોની જોનર સાવ અલગ છે, તેથી બોક્સ ઓફિસ પર કઈ ફિલ્મ ધમાલ મચાવશે તે જોવું રસપ્રદ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ