એક્શન / અમદાવાદમાં મોડી રાત્રે 12 થી 3 માં બેસતા ગુંડા તત્વોના 'બાર વાગી જવાના', પોલીસ કમિશનરનો મોટો નિર્ણય

અમદાવાદમાં ખાસ કરીને યુવાનો મોડી રાતે અરાજકતાં ફેલાવતાં હોય છે અને ટોળે ટોળા વળીને બેસતાં હોય છે પરંતુ હવે આવા તત્વોએ ચેતી જવાની જરુર છે. શહેર પોલીસ કમિશનર અનુપમ સિંહ ગહેલોતે એક મોટો નિર્ણય લીધો છે.

49 પોલીસ સ્ટેશન વિસ્તારમાં ખાસ નાકાબંધી

પોલીસ કમિશનર અનુપમ સિંહ ગહેલોતના નિર્ણય અનુસાર, શહેરના 49 પોલીસ સ્ટેશન વિસ્તારમાં ખાસ નાકાબંધી કરવામાં આવશે અને મોડી રાત્રે 12 થી 3 માં બેસતા ગુંડા તત્વો પર ખાસ નજર રાખવામાં આવશે, નાકાબંધીમાં DCP, ACP, PI સ્તરના અધિકારીઓ હાજર રહેશે

150 જેટલી જગ્યાઓની ઓળખ

શહેર પોલીસે હાલ 150 જેટલી જગ્યાઓ ઓળખ કરી છે જ્યાં આગામી દિવસોમાં નાકાબંધી કરવામાં આવશે. દરેક નાકાબંધીમાં 25 જેટલા પોલીસ કર્મીઓ હાજર રહીને આવારા તત્વો પર કે કોઈ ઉપદ્રવ પર નજર રાખશે. પોલીસે આ માટે 3 અલગ અલગ ટીમો બનાવી છે.

કયા વિસ્તારો પર રહેશે નજર

પોલીસ ખાસ કરીને રિવરફ્રન્ટ, સિંધુ ભવન, સીજી રોડ નજર રાખશે જ્યાં સૌથી વધુ અરાજકતાં જોવા મળતી હોય છે. પેટ્રોલિંગ દરમિયાન જો કોઈ આવી હરકત ધ્યાનમાં આવશે તો તરત તેને ડામી દેવામાં આવશે.

નબીરાઓ જે ઠેકાણે અટકચાળા કરતાં હોય ત્યાં ખુદ કમિશનર હાજર રહેશે

સૌથી મહત્વની વાત તો એ છે કે સૌથી વધુ નબીરાઓ જ્યાં નાટકો કરતા હોય તેવા વિસ્તારોમાં પોલીસ કમિશનર અચાનક મુલાકાત લેશે.

વધુ વાંચો : મોરબીના કૂવામાં પાણીના હિલોળાનું રહસ્ય ઉકેલાયું! કોઈ ચમત્કાર નહીં પણ... વૈજ્ઞાનિકોએ જણાવ્યું ‘આર્ટિઝન કંડિશન’ કારણ

ગુંડા તત્વો સામે એક્શન

મોડી રાત્રે વગર કારણે બેસી રહેતા, નશાની હાલતમાં રખડતા કે સ્ટંટ કરતા તત્વોની અટકાયત કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ