બ્રેકિંગ ન્યુઝ

logo

VTV / Foods That Keep You Warm In Winters

ફાયદાકારક / કકડતી ઠંડીમાં શરીરને અંદરથી ગરમ રાખશે અને બીમારીઓથી બચાવશે આ 7 વસ્તુઓ, રોજ ખાઓ

Noor

Last Updated: 06:07 PM, 22 December 2020

logo

FOLLOW ON

logo

શેર કરો

logo logo logo
article-logo

શિયાળા દરમિયાન ફક્ત ગરમ કપડાં જ પહેરવાની જરૂર નથી હોતી. ખોરાકમાં બદલાવ અને ગરમી આપતા ખોરાક ખાવા પણ જરૂરી હોય છે. હવે શિયાળાએ જોર પકડ્યું છે અને ઠંડીનું પ્રમાણ પણ વધ્યું છે. એવામાં જો તમારે બીમારીઓથી બચવું હોય અને શરીરને આંતરિક રીતે ગરમ રાખવું હોય તો આજે અમે તમને કેટલાક સુપરફૂડ વિશે જણાવીશું. જે ઠંડીમાં રોજ ખાવા જોઈએ.

  • કકડતી ઠંડીમાં પણ તમારા શરીરને અંદરથી ગરમ રાખશે આ ફૂડ્સ
  • શિયાળામાં બીમારીઓથી બચવા ખાઈ લો આ ફૂડ્સ
  • સ્વાસ્થ્યવર્ધક છે આ ફૂડ્સ

કેસર

કેસરમાં અઢળક ગુણો રહેલાં છે પરંતુ કેસર મોંઘુ હોવાને કારણે મોટાભાગના લોકો તેનું સેવન કરતાં નથી, પરંતુ તમારા સ્વાસ્થ્ય માટે કેસર બહુ જ ગુણકારી છે ખાસ કરીને શિયાળામાં. પ્રાચીન સમયથી જ બ્યુટી અને હેલ્થ માટે કેસરનો ઉપયોગ થતો આવ્યો છે. જેથી શિયાળામાં રોજ દૂધમાં કેસર નાખીને પીવાથી રોગપ્રતિકારક શક્તિ વધે છે. સાથે જ તમારી બ્યુટી ક્રિમમાં કેસરને મિક્ષ કરીને લગાવવાથી ચહેરો ક્લિન, ડાઘા વિનાનો અને તેજસ્વી બને છે. આ સિવાય શરીરમાં ગરમાવો રહે તે માટે રોજ રાતે સૂતા પહેલાં બદામ, કેસરવાળું નવશેકું દૂધ પીવું. 

આમળા

આમળામાં ભરપૂર માત્રામાં વિટામિન સી હોય છે. આમળા લીવર, પાચનતંત્ર, સ્કિન, વાળ અને કોલેસ્ટ્રોલ, એસિડિટી અને બ્લડશુગરને પણ કંટ્રોલ કરે છે. શિયાળામાં ખવાતાં ચ્યવનપ્રાશમાં સૌથી વધુ પ્રમાણમાં આમળા હોય છે. આ સિવાય શિયાળામાં આમળાની ચટની, આમળાનો પાઉડર અને બાફેલાં આમળા ખાવાથી શરીરમાં ગરમાવો રહે છે અને ઈમ્યૂનિટી મજબૂત થાય છે.

મધ

કફ અને કોલ્ડમાં વપરાતી ઔષધીઓમાં મધનો બહોળા પ્રમાણમાં ઉપયોગ કરવામાં આવે છે. મધ શરીરને ગરમી આપે છે. જેથી શિયાળામાં તેનું સેવન ચોક્કસ કરવું જોઈએ. મધમાં થોડા પ્રમાણમાં એન્ટિજેન્સ હોય છે જે ઈમ્યૂનને સારી રાખવામાં મદદ કરે છે. એમાંય ડાયટ કરતાં લોકો માટે મધ શરીરમાં રહેલો મેદ ઓછો કરે છે. 

તુલસી

તુલસીમાં વિટામિન એ, સી, કેલ્શિયમ, ઝિંક અને આયર્ન હોય છે, તુલસી આપણા શરીરને કોલ્ડને કારણે થતાં રોગો જેમ કે કફ, સાઈનસ, નિમોનિયા અને શ્વાસ સંબંધી રોગોથી બચાવે છે. તેમાં એન્ટીસેપ્ટિક અને એન્ટીમલેરિયા પ્રોપર્ટી પણ હોય છે. જેથી રોજ સવારે ખાલી પેટે તુલસીના પાન, મરી અને મધ મિક્ષ કરીને લેવાથી કફ સંબંધી રોગો દૂર થાય છે અને શરીરમાં ગરમાવો રહે છે.

આદુ

ભારતીય રસોડામાં રહેલું આદું મેડિકલી ચમત્કારી ઔષધી માનવામાં આવે છે. તેમાં રહેલું એન્ટીઓક્સીડેન્ટ શરીરની રોગપ્રતિકારક ક્ષમતાને વધારે છે. જો થોડી માત્રામાં પણ આદુનું સેવન શિયાળામાં રોજ કરવામાં આવે તો શરીરને ગરમાવો આપવાની સાથે-સાથે અલ્સર, તાવ, કોમન કોલ્ડ, કફ અને પાચન સંબંધી સમસ્યાઓને દૂર કરે છે.

હળદર

જો તમે રોજ દૂધ પીતાં હોવ તો શિયાળામાં નવશેકા દૂધમાં ચપટી હળદર નાખીને તેનું સેવન કરવું. આ ન માત્ર તમારા શરીરને આંતરિક ગરમી આપશે પરંતુ શરીરમાં થતી બળતરાને પણ દૂર કરશે.

ગોળ

શિયાળામાં ગોળનું ખાસ સેવન કરવામાં આવે છે. ઘણા વાનગીઓમાં શિયાળુપાકમાં પણ તેનો ઉપયોગ થાય છે. ગોળ શિયાળામાં શરીરને ગરમી આપે છે. તે ખાંડની તુલનામાં વધારે હેલ્ધી હોય છે. તેમાં ભરપૂર વિટામિન્સ અને મિનરલ્સ જેમ કે ફોસ્ફરસ, આયર્ન, મેગ્નેશિયમ અને પોટેશિયમ હોય છે. જે નેચરલી કફ, કોલ્ડ, માઈગ્રેન, અસ્થમા, ચિંતા અને પાચનતંત્રના રોગો સામે રક્ષણ કરે છે. શિયાળામાં રોજ ગોળનું સેવન કરવાથી શરીરમાં આંતરિક ગરમી પેદા થાય છે. 

સંકળાયેલા મુદ્દાઓ

Best Foods Warm winters Benefits
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ