સાવધાન / સ્માર્ટવૉચના શોખીનો માટે આઘાતજનક સમાચાર, કેટલાય યુઝર્સની બગડી ગઈ જીંદગી, થાય છે બ્લાસ્ટ

• કાળઝાળ ગરમીમાં સ્માર્ટ વૉચ પણ થાય છે હિટ 
• કંપની પર દાખલ કરવામાં આવ્યો કેસ 
• જાણીતી કંપનીની વૉચમાં આગ લાગવાનો દાવો

આજની જનરેશન ડિઝિટલ અને સ્માર્ટ વૉચ તરફ વળી છે. આ સ્માર્ટ વૉચ તમારી સ્ટાઇલમાં ચાર ચાંદ લગાવી દે છે. ફિટનેસ પર પણ ધ્યાન રાખે છે પરંતુ જો તમે હવે સ્માર્ટવૉચ લેવાનું વિચારી રહ્યા હોવ તો થોડી સાવધાની રાખજો. કારણ કે છેલ્લા ઘણા દિવસોમાં સ્માર્ટવૉચમાં ઓવરહીટ થવાના તેમજ સ્પાર્ક થવાના કેસ સામે આવી રહ્યા છે 

સ્માર્ટવૉચ-ફિટનેસ ટ્રેકર્સમાં ઓવરહિટીંગનો થયાનો દાવો

વોચ અને ટ્રેકર નિર્માતા Fitbit એ બેટરી ઓવરહિટીંગની ફરિયાદો બાદ આ વર્ષે માર્ચમાં યુએસમાં લગભગ 10 લાખ Fitbit Ionic ફિટનેસ ટ્રેકર્સ અને વિશ્વભરમાં લગભગ 6,93,000 યુનિટ પાછા મંગાવ્યા છે. આ ઉપરાંત, કંપનીએ યુએસમાં તેના વપરાશકર્તાઓને $299 (લગભગ રૂ. 22,670)નું રિફંડ પણ આપ્યું હતું.  જો કે હવે PILમાં દાવો કરવામાં આવ્યો છે કે  Google ની માલિકીની વેરેબલ કંપની Fitbit એ તેના વપરાશકર્તાઓની સુરક્ષાનું ધ્યાન રાખવા માટે પૂરતુ કર્યુ નથી. આ કેસમાં એવો પણ દાવો કરવામાં આવ્યો છે કે તમામ Fitbit સ્માર્ટવોચ અને ફિટનેસ ટ્રેકર્સમાં બેટરી ઓવરહિટીંગની સમસ્યા છે.

દાવો- તમામ Fitbit સ્માર્ટવોચ-ફિટનેસ ટ્રેકર્સમાં ખામીઓ 

એક અહેવાલ મુજબ, આ ખામી તમામ Fitbit સ્માર્ટવોચ અને ફિટનેસ ટ્રેકરમાં જોવા મળી રહી છે. જેમાં બેટરી વધુ ગરમ થાય છે અને પછી બળી જાય છે અથવા આગ લાગવાનું જોખમ ઉભુ કરે છે.  મુકદ્દમામાં Fitbit પર 'કન્ઝ્યુમર હાઇજીન' પર દોષારોપણ કરવાનો પ્રયાસ કરવાનો આરોપ પણ મૂકવામાં આવ્યો હતો જ્યારે તેણે ઘટનાઓની જાણ કરી હતી.

'કેલરીને બદલે ત્વચા બર્નિંગ ઘડિયાળ'

મુકદ્દમામાં એવી પણ દલીલ કરવામાં આવી છે કે  હેલ્ધી લાઇફસ્ટાઇલ માટે સ્માર્ટ વૉચ ખરીદીએ છીએ નહી કે સ્કીન બર્ન કરવા માટે. તેમજ વધુમાં દાવો પણ કરવામાં આવ્યો છે કે બંને વ્યક્તિએ વર્સા લાઇનઅપમાંથી ઉપકરણો ખરીદ્યા હતા. જે બંને વપરાશકર્તાઓના કાંડા પર બર્ન માર્ક્સનું કારણ બને છે.  વધુમાં, મુકદ્દમામાં એવા ઘણા કિસ્સાઓ ટાંકવામાં આવ્યા છે જેમાં ફિટબિટના ફિટનેસ ટ્રેકર્સ અને સ્માર્ટવોચના વપરાશકર્તાઓએ સમાન ફરિયાદો કરી હતી. ફરિયાદમાં Fitbit Sense, Fitbit Versa 3, Fitbit Blaze, Fitbit Inspire અને Fitbit Inspire 2 સહિત આ ઉપકરણોનો  ઉપયોગ કરતા વપરાશકર્તાઓએ  બળી ગયા હોય તેવા ફોટા પણ સામેલ કર્યા હતા.  

લોકોને સમયસર રિફંડ મળતું નથી

આ PILમાં   Google તેની Fitbit Ionic સ્માર્ટવોચ માટે રિફંડ પણ આપતી ન હોવાનો દાવો કરવામાં આવ્યો છે.  ઘણા એવા યૂઝર્સ છે જેઓને આઠ સપ્તાહ પછી પણ રિફંડ મળતુ નથી.  કોર્ટના દસ્તાવેજોમાં Fitbit Supportના અધિકૃત ટ્વિટર હેન્ડલના પ્રતિભાવોના કેટલાક સ્ક્રીનશૉટ્સનો સમાવેશ થાય છે, જેમાં ગ્રાહકો લાંબી રાહ જોવી અને પ્રતિભાવવિહીન સેવાથી નિરાશ થયા હતા.