સંયોગ / 2020ના પહેલાં ચંદ્રગ્રહણ પર બનશે આ અદ્ભૂત સંયોગ, જાણો કઈ રાશિને થશે અઢળક લાભ

• વર્ષ 2020નું પહેલું ચંદ્રગ્રહણ
• 10 જાન્યુઆરીએ રાતે 10.37 મિનિટે શરૂ થશે ગ્રહણ
• ચંદ્રગ્રહણનો કુલ સમય 4 કલાક સુધી રહેશે

રચાશે આ અદ્ભૂત સંયોગ

આ વર્ષે 10 જાન્યુઆરીએ વર્ષનું પહેલું ચંદ્રગ્રહણ થશે. આ દિવસે પોષ પૂર્ણિમા પણ છે. હિંદુ ધર્મમાં પૂનમનું મોટું મહત્વ માનવામાં આવે છે.પૂનમ અને ચંદ્રગ્રહણનો ખાસ સંયોગ રચાશે. 

પૂનમનું છે ખાસ મહત્વ

હિંદુ ધર્મામાં પોષ પૂનમના દિવસે દાન, સ્નાન અને સૂર્યદેવને અર્ધ્ય આપવાનું ખાસ મહત્વ છે. પોષ પૂનમના દિવસે કાશી, પ્રયાગરાજ અને હરિદ્વારમાં ગંગા સ્નાનનું પણ મહત્વ છે. સૂર્યદેવની આરાધના આ સમયે પુણ્ય અપાવે છે. પોષ મહિનો સૂર્યદેવનો મહિનો છે અને પૂનમની તિથિ હોય છે. પોષ પૂનમના દિવસે સૂર્ય અને ચંદ્રનો અદ્ભૂત સંગમ થઈ રહ્યો છે. પોષ પૂનમના દિવસે સૂર્ય અને ચંદ્રની પૂજાથી મનોકામના પૂરી થાય છે. જીવનમાં કોઈ બાધા રહેતી નથી. પોષ પૂર્ણિમાથી જ તીર્થરાજ પ્રયાગમાં માઘ મેળાની શરૂઆત થાય છે. અહીં સ્નાનનું પણ વિશેષ મહત્વ છે. 

ચંદ્રગ્રહણ અને સૂતક

સામાન્ય રીતે ચંદ્રગ્રહણના 12 કલાક પહેલાં સૂતક શરૂ થાય છે. પરંતુ આ ચંદ્રગ્રહણમાં સૂતક કાળ ન લાગવાના કારણે મંદિરો બંધ કરવામાં આવશે નહીં. પૂજા પાઠ માટે પણ કોઈ પ્રતિબંધ રહેશે નહીં. ગ્રહણ પૂરું થતાં સ્નાન કરવું શુભ ગણાશે. 

આ રાશિમાં લાગશે પહેલું ચંદ્રગ્રહણ, કેવી થશે અસર

વર્ષ 2020માં પહેલું ચંદ્રગ્રહણ મિથુન રાશિમાં લાગશે. આ માટે આ મહિલાઓ પર તેની સૌથી વધારે અસર પડશે. મિથુન રાશિના જાતકોને ગ્રહણ શારીરિક અને માનસિક રીતે પ્રભાવિત કરી શકે છે. કાળ પુરુષના ત્રીજા ભાવમાં ગ્રહણ લાગવાના કારણે પ્રાકૃતિક મુશ્કેલીઓ અને સંકટ વધી શકે છે. ઉલ્લેખનીય છે કે આ ગ્રહણનો પ્રભાવ 29 ફેબ્રુઆરી સુધી જોવા મળશે.