ગુજરાત / ભારે વરસાદથી ખેડૂતોના પાકને નુકસાન, સરકાર દ્વારા યોગ્ય સહાય ન મળતી હોવાનો આક્ષેપ

બાગાયતી પાકનું નંદનવન ગણાતા નવસારી જિલ્લાના ખેડૂતો સહાય માટે વલખા મારી રહ્યા છે. છેલ્લા કેટલાયે વર્ષોથી ખેડૂતોને વ્યપક નુકસાનનો સામનો કરવો પડી રહ્યો છે. ત્યારે ખેડૂતોનો આક્ષેપ છેકે સરકાર દ્વારા તેમને યોગ્ય વળતર મળતું નથી. જે ખેડૂત પરસેવો પાડીને લોકો માટે અનાજ ઉગાડે છે એજ ખેડૂતોને પાકના નુકસાનમાં હજી સુધી સહાય મળી નથી.

ત્રણ ત્રણ વખત પૂરનો માર સહન કરનારા આ ખેડૂતોએ હિંમત કરીને લાખો રૂપિયા ખર્ચીને ડાંકર, કેળા, શેરડી, શાકભાજી સહિતની ખેતી કરી. પરંતુ કેળનો પાક જમીન પર ઢળી પડ્યો છે. અસરગ્રસ્ત વિસ્તારોમાં 33 ટકાથી ઓછી નુકસાનીનો રિપોર્ટ સરકારી કર્મચારીઓ દ્વારા કરાતા ખેડૂતો વળતરના માપદંડને પણ બદલવાની માગ કરી રહ્યા છે.

દાવો છે કે ખેડૂતોને 50 ટકાથી વધુ નુકસાન થયું છે છતાં સર્વેમાં 33 ટકાથી પણ ઓછું નુકસાન બતાવવામાં આવે છે. બીજીબાજુ અધિકારીઓ માની રહ્યા છેકે વળતર આપવાની કામગીરી ટૂંક સમયમાં શરૂ થઈ જશે.

વધુ વાંચો : નવરાત્રિમાં આઠમે માનતા માનો તો માતાજી અવશ્ય પૂર્ણ કરે, અમદાવાદના આ મંદિરમાં મુસ્લિમ બિરાદરોને પણ છે શ્રદ્ધા

સરકાર દ્વારા દરવર્ષે કરોડો રૂપિયાનું પેકેજ જાહેર કરવામાં આવે છે પરંતુ લાખો રૂપિયા નુકસાન ભોગવતો ખેડૂત યોગ્ય સહાય પણ મેળવતો નથી. ઘણા ખેડૂતો હજી માની રહ્યા છેકે રાહત પેકેજ ફક્ત દેખાડો છે હકીકતે તેમને સહાય મળશે નહીં. ત્યારે સરકારની ફરજ છેકે ખેડૂતોની આ ચિંતા દૂર કરે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ