- વિશ્વમાં અમીર મહિલાઓમાં 10માં ક્રમે ફાલ્ગુની નાયર
- સ્ટોક માર્કેટમાં લિસ્ટિંગ બાદ 963 % વધી ફાલ્ગુની નાયરની સંપતિ
- બની દેશની સૌથી અમીર સેલ્ફ મેડ મહિલા
Naykaaની ફાઉન્ડર અને સીઈઓ ફાલ્ગુની નાયરે (Falguni Nayar) ઘણી સિદ્ધિઓ હાંસલ કરી છે. પરંતુ આજે એક એવું પદ હાંસલ કર્યું છે જે તેમના માટે ખૂબ જ ખુશીની વાત સાબિત થઈ શકે છે. ફાલ્ગુની નાયર પોતાના દમ પર ભારતની સૌથી અમીર મહિલા બની ગઈ છે. કોટક પ્રાઈવેટ બેંકિંગ હુરુન લીડિંગ વેલ્ધી વુમન લિસ્ટ 2021માં, તેણીને સેલ્ફ મેડ વુમન તરીકે પ્રથમ સ્થાન આપવામાં આવ્યું છે અને ભારતની કુલ ધનિક મહિલાઓમાં બીજા સ્થાને છે.
કિરણ મઝુમદારે શૉને છેડ્યા પાછળ
નાયકાની ફાલ્ગુની નાયરે 57,520 કરોડ રૂપિયાની નેટવર્થ સાથે બાયોકોનના કિરણ મઝુમદાર શૉને પાછળ છોડી દીધા છે અને ભારતની બીજી સૌથી ધનિક સેલ્ફ મેડ વુમન તરીકેની યાદીમાં સ્થાન મેળવ્યું છે. HCL ટેક્નોલોજીસના ચેરપર્સન રોશની નાડર મલ્હોત્રા 84,330 કરોડની નેટવર્થ સાથે કોટક પ્રાઈવેટ બેંકિંગ હુરુન લીડિંગ વેલ્ધી વુમન લિસ્ટ 2021માં ટોચ પર છે. બીજી તરફ, ફાલ્ગુની નાયરને બીજું સ્થાન મળ્યું છે. પરંતુ સેલ્ફ મેડ મહિલાઓમાં તે પ્રથમ સ્થાને હોવાનું કહેવાય છે કારણ કે તેમને નાયકાનો વ્યવસાય કોઈ વારસામાં મળ્યો નથી.
સંપત્તિમાં 963 ટકાનો ઉછાળો કેવી રીતે આવ્યો?
વર્ષ 2021માં સ્ટોક એક્સચેન્જમાં નાયકાનું મજબૂત લિસ્ટિંગ થયું, ત્યારબાદ કંપનીના સ્થાપક અને સીઈઓ ફાલ્ગુની નાયરની કોર્પોરેટ જગતથી દરેક જગ્યાએ ચર્ચા થવા લાગી. શેરબજારમાં નાયકાના મજબૂત લિસ્ટિંગ બાદ ફાલ્ગુની નાયરની પ્રોપર્ટીમાં 963 ટકાનો શાનદાર ઉછાળો નોંધાયો છે. Nykaaના સ્થાપક ફાલ્ગુની નાયર પોતાના દમ પર દેશની સૌથી ધનિક સેલ્ફ મેડ મહિલા અબજપતિ છે.
આખી દુનિયામાં સેલ્ફ મેડ મહિલાઓમાં 10મું સ્થાન
ફાલ્ગુની નાયર દુનિયામાં પોતાના દમ પર અમીર બનેલી મહિલાઓની યાદીમાં 10મા ક્રમે છે. વર્ષ 2021માં તેમની કંપની નાયકાનો આઈપીઓ આવ્યા બાદ નાયકાએ શેરબજારમાં મજબૂત હાજરી નોંધાવી હતી.
ઈન્વેસ્ટમેન્ટ બેન્કર પણ રહી ચૂક્યા છે ફાલ્ગુની નાયર
ફાલ્ગુની નાયર ઇન્વેસ્ટમેન્ટ બેન્કર રહી ચૂક્યા છે. ફાલ્ગુનીએ આઈઆઈએમ અમદાવાદમાંથી ગ્રેજ્યુએટની ડિગ્રી લીધા બાદ એએફ ફર્ગ્યુસન એન્ડ કંપની સાથે તેની કારકિર્દીની શરૂઆત કરી હતી. તેણે કોટક મહિન્દ્રા બેંકમાં પણ લગભગ 18 વર્ષ કામ કર્યું.
તે કોટક મહિન્દ્રા ઈન્વેસ્ટમેન્ટ બેંકના મેનેજિંગ ડિરેક્ટર હતા. આ સિવાય તે કોટક સિક્યોરિટીઝમાં ડાયરેક્ટરનું પદ પણ સંભાળી ચૂકી છે. 2012 માં તેણે પોતાનો વ્યવસાય સ્થાપવાનું નક્કી કર્યું અને આ કડીમાં તેણે નાયકા કંપનીને શરૂ કરી.
