- મધ્યપ્રદેશના ઇન્દોરની 4 વર્ષની આદિરા ઈન્ટરનેશનલ સ્તરે ચમકી
- 15 આંકડાની 5 સંખ્યાને ભારત અને વર્લ્ડ ડિજિટ સિસ્ટમથી કહી સંભળાવ્યાં
- ઇન્ટરનેશનલ બુક ઓફ રેકોર્ડમાં નામ નોંધાયું
- અબજો ટ્રિલિયનનની ઉપરાંત શંખ અને પદમ જેવી સંખ્યા પણ જાણે છે
મધ્યપ્રદેશના ઇન્દોરની આદિરાની ઉંમર માત્ર 4 વર્ષ અને 15 દિવસની છે. રમકડાં રમવાના જમાનામાં આદિરાએ આવો રેકોર્ડ બનાવ્યો છે, જેને સાંભળીને તમે પણ આ નાનકડી ટેલેન્ટેડ છોકરીની પ્રશંસા કરવા લાગશો. 4 વર્ષની બાળકીએ ભારતીય અને આંતરરાષ્ટ્રીય અંકોના 5 15 અંકના આંકડા વાંચ્યા છે. આદિરા પોરવાલે આ સાથે એક નવો અને અનોખો રેકોર્ડ બનાવ્યો અને પોતાનું નામ ઇન્ટરનેશનલ બુક ઓફ રેકોર્ડમાં નોંધાવ્યું.
શંખ અને પદમ જેવી સંખ્યા પણ જાણે છે
આદિરા હાલમાં કેજી 1માં અભ્યાસ કરે છે. આદિરાની ખાસિયત એ પણ છે કે તે અબજો ટ્રિલિયનને સમજે છે, પરંતુ તે શંખ અને પદમ જેવી સંખ્યા પણ જાણે છે. આદિરાએ રેકોર્ડ બનાવવા માટે સરળતાથી 15 અંકોના 5 નંબર વાંચ્યા. રેકોર્ડ બન્યા બાદ આદિરા હવે 15ના બદલે 19 આંકડા સુધીના આંકડા સરળતાથી વાંચી લે છે.
અંગ્રેજી આંકડાની સાથે સાથે ભારતીય પ્રણાલી શંખ અને પદમ પણ વાંચી શકે છે
આદિરાની માતા પાયલ પોરવાલે જણાવ્યું કે શરુઆતમાં તો આદિરા કરોડ સુધીની સંખ્યા વાંચી લેતી હતી પછી ધીરે ધીરે આગળ વધતી ગઈ. ભારતીય અને આંતરરાષ્ટ્રીય ડિજિટ રીડિંગની સાથે તે પ્લેસ વેલ્યુ પણ કહી દે છે. અંગ્રેજી આંકડાની સાથે સાથે ભારતીય પ્રણાલી શંખ અને પદમ પણ વાંચી શકે છે.
મોટી થઈને ડોક્ટર બનવા માગે છે આદિરા
4 વર્ષની આદિરા મોટી થઈને ડોક્ટર બનવા માગે છે. તેનું આ સપનું જરુરથી પાર પડશે તેવી માતા પાયલને ભારોભાર આશા છે. પાયલે કહ્યું કે મેં જ્યારે આદિરાને કહ્યું કે તે સારુ ભણશે તો મોદી આવીને મેડલ આપાશે ત્યાર બાદ તે દિલ દઈને ભણે છે અને વીડિયો પણ બનાવે છે. તેનું દિમાગ ગણિતમાં જબરુ ચાલે છે. આદિરાની આંખો નંબર અને સંખ્યાઓની ઝડપથી પકડી શકે છે અને એકદમ સ્ફૂર્તિથી તે કહી શકે છે કઈ સંખ્યા છે.
