Ramayana / દિવાળી પહેલા રામાયણે તોડ્યો રેકોર્ડ, પહેલા દિવસે વિશ્વભરમાં વાગ્યો ડંકો

દિવાળી પહેલા રામાયણ ફિલ્મ આખરે સિનેમાઘરોમાં આવી ગયું છે, બોક્સ ઓફિસ પર શાનદાર શરૂઆત સાથે ઇતિહાસ રચ્યો છે. નિતેશ તિવારી દ્વારા દિગ્દર્શિત અને નમિત મલ્હોત્રાના પ્રાઇમ ફોકસ સ્ટુડિયો અને રોકિંગ સ્ટાર યશના મોન્સ્ટર માઇન્ડ ક્રિએશન્સ બેનર હેઠળ નિર્મિત રામાયણ ભાગ એક 5 નવેમ્બર, 2026 ના વિશ્વભરમાં ભારે ઉત્સાહ વચ્ચે રિલીઝ થયો છે.

આ ફિલ્મમાં રણબીર કપૂર ભગવાન રામ, સાઈ પલ્લવી માતા સીતા, રોકિંગ સ્ટાર યશ શક્તિશાળી રાવણ અને રવિ દુબે લક્ષ્મણની ભૂમિકામાં છે.

View this post on Instagram

A post shared by The World Of Ramayana (@worldoframayana)

રામાયણ બોક્સ ઓફિસ કલેક્શન ડે 1

ગ્લોબલ બોક્સ ઓફિસ પર શાનદાર શરૂઆત કરતા રામાયણમે વિશ્વભરમાં ₹155 કરોડની કમાણી કરી છે, જે ભારતીય સિનેમામાં દિવાળી પહેલા અત્યાર સુધીની સૌથી મોટી ઓપનિંગ બની છે. જ્યારે ભારતમાં નેટ કલેક્શન ફિલ્મે ₹64.85 કરોડ અને ગ્રોસ ₹77.50 કરોડની કમાણી કરી છે.

વર્ષોથી દિવાળી પહેલાના સમયગાળાને ફિલ્મ રિલીઝ માટે મુશ્કેલ સમય માનવામાં આવે છે. આ સમય દરમિયાન બોક્સ ઓફિસ કલેક્શન સામાન્ય રીતે ધીમું પડે છે. આનું કારણ એ છે કે પરિવારો તહેવાર પહેલા પોતાના ઘરોની સફાઈ, મરામત અને સજાવટમાં વ્યસ્ત હોય છે. લોકો રજાઓ પહેલા દિવાળીની ખરીદી અને મુસાફરીની તૈયારીઓમાં પણ વ્યસ્ત હોય છે. પરિણામે, થિયેટરોમાં ફિલ્મ જોવાની યોજના ઘણીવાર થતી નથી. 'રામાયણ' પહેલા દિવાળીની આસપાસ રિલીઝ થયેલી કોઈપણ ફિલ્મ માટે ઓપનિંગ ડેની સૌથી વધુ કમાણી ₹40 કરોડ હતી, જેમાં સમગ્ર ભારતમાં ₹94 કરોડની કમાણી હતી.

આ પણ વાંચોઃ મનોરંજન / રામ કે રાવણ નહીં, પણ આ સ્ટારની એન્ટ્રીએ સિનેમાઘરોમાં સીટીઓ અને તાળીઓના ગડગડાટ સાથે ધૂમ મચાવી

પરંતુ "રામાયણમ" એ આ જૂની વિચારધારાને સંપૂર્ણપણે બદલી નાખી છે. તહેવારો પહેલા ઓછી પ્રેક્ષકોની હાજરીના ટ્રેડને પાછળ છોડીને ફિલ્મે શાનદાર શરૂઆત કરી છે. પ્રેક્ષકોના જબરદસ્ત પ્રતિસાદને કારણે સવારના શોથી થિયેટરો ભરચક હતા, જેના પરિણામે ઐતિહાસિક બોક્સ ઓફિસ પર શરૂઆત થઈ. દિવાળી હજુ બાકી છે, "રામાયણમ" એ રેકોર્ડબ્રેક ઓપનિંગ સાથે તેની પ્રભાવશાળી શરૂઆત કરી દીધી છે. પરિણામે, આગામી દિવસોમાં ફિલ્મની કમાણી વધુ શાનદાર રહેવાની અપેક્ષા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ