BIG NEWS / Twitter ના નવા બોસ બન્યા Elon Musk : CEO પરાગ અગ્રવાલની કરી હકાલપટ્ટી

• Twitter ડીલ પૂર્ણ થયા બાદ એલોન મસ્ક એક્શનમાં 
• CEO અને CFO ની કરી દેવાઈ હકાલપટ્ટી 
• બંને કર્મચારીઓને હેડક્વાર્ટર્સમાંથી પણ તગેડી મૂકવામાં આવ્યા 

ટેસલાના માલિક અને વિશ્વના સૌથી ધનવાન વ્યક્તિ એલોન મસ્ક હવે સત્તાવાર રીતે ટ્વિટરના માલિક બની ગયા છે. ગુરુવારે એક સિંક લઈને તેઓ ટ્વિટરના હેડક્વાર્ટર્સમાં આવ્યા હતા અને અનેક કર્મચારીઓ સાથે મુલાકાત પણ કરી. સમાચાર એજન્સી રોયટર્સ દ્વારા હવે મોટા સમાચાર પ્રાપ્ત થઈ રહ્યા છે કે માલિક બનતાની સાથે જ મસ્ક હવે એક્શન મોડમાં છે. 

Entering Twitter HQ – let that sink in! pic.twitter.com/D68z4K2wq7

— Elon Musk (@elonmusk) October 26, 2022

એલોન મસ્કે ટ્વિટરના CEO પરાગ અગ્રવાલને CEO પદથી હટાવી દીધા છે, આટલું જ નહીં CFO નેડ સેગલની પણ પરાગની સાથે જ હકાલપટ્ટી કરવામાં આવી છે. આટલું જ નહીં બંને કર્મચારીઓને હેડક્વાર્ટર્સમાંથી પણ તગેડી મૂકવામાં આવ્યા હતા. 

At Twitter headquarters’ coffee bar, ⁦@elonmusk⁩ pic.twitter.com/vy5Cw7zttf

— Walter Isaacson (@WalterIsaacson) October 27, 2022

નોંધનીય છે કે એપ્રિલ મહિનાની 13 તારીખે એલોન મસ્ક દ્વારા ટ્વિટર ખરીદવાને લઈને દાવો કરવામાં આવ્યો હતો અને ભાગીદારી માટે ઑફર કરવામાં આવી હતી. કુલ 44 અબજ ડોલરમાં ડીલ કરવા માટે એલોન મસ્ક તૈયાર હતા, જોકે બાદમાં ફેક અકાઉન્ટના મુદ્દાને લઈને ડીલને હોલ્ડ કરવામાં આવી હતી, ફરી ઓકટોબર મહિનામાં મસ્કનું મન બદલાયું અને ફરીથી ઑફર કરવામાં આવી અને ગઇકાલે તેઓ અચાનક જ ટ્વિટરની ઓફિસે પહોંચ્યા હતા.