હડકંપ / 'અલ્લાહુ અકબર'ની ચીસો પાડતા વ્યક્તિએ એફિલ ટાવરને ઉડાવી દેવાની ધમકી આપી, પોલીસે સર્ચ ઓપરેશન હાથ ધર્યું

• ફ્રાંસની રાજધાનીમાં એક ધમકી બાદ હડકંપ 
• એફિલ ટાવરને ઉડાવી દેવાની એક વ્યક્તિએ આપી ધમકી 
• અલ્લાહુ અકબરની ચીસો પાડતા વ્યક્તિએ કહ્યું હું બધું ઉડાવી દઈશ 

પોલીસે આખા વિસ્તારને ખાલી કરાવી સર્ચ ઓપરેશન શરુ કર્યું 

પેરિસ સ્થિત એફિલ ટાવરને એક વ્યક્તિએ ઉડાવી દેવાની ધમકી આપી અને અલ્લાહુ અકબર ચીસો પાડવા લાગ્યો, જે બાદ આખા વિસ્તારને ખાલી કરાવી દેવામાં આવ્યો છે. તે બાદ તે વ્યક્તિને ઘેરી લેવામાં આવ્યો અને સાથે જ પોલીસ અત્યારે સતર્કતાથી નજર રાખી રહી છે. પેરીસમાં પોલીસે આસપાસના પણ મોટા ક્ષેત્રોને બંધ કરાવી દીધા અને લોકોને દૂર રહેવા આગ્રહ કરવામાં આવ્યો છે. મોટા અધિકારીઓ આખા વિસ્તારનું નિરીક્ષણ કરી રહ્યા છે કે ખતરો ખરેખર છે કે નહીં.  ફ્રાંસની મીડિયા અનુસાર જે જાણકારી છે તે મુજબ પોલીસ સર્ચ ઓપરેશન કરી રહી છે. 

Les abords de la Tour Eiffel sont bouclés par la police. Il y a une alerte à la bombe. La circulation est déviée Quai Branly. - @BFMParis pic.twitter.com/WZnWytKk0f

— Barthelemy Bolo (@B2Bolo) September 23, 2020

લોકોમાં ભારે ગભરાટ 

એવું કહેવામાં આવી રહ્યું છે કે એક અજાણ વ્યક્તિએ ફોન કરીને પોલીસને કહ્યું કે તેણે ત્યાં બોમ્બ લગાવી દીધો છે જ્યાં સામાન્ય રીતે હજારો લોકો એકઠા થતાં હોય છે. એક પત્રકારે ટ્વિટ કરીને કહ્યું કે એફિલ ટાવર એરિયાને બંધ કરાવી દેવામાં આવ્યો છે અને પોલીસ પોતાનું કામ કરી રહી છે. એક વ્યક્તિએ ત્યાં અલ્લાહુ અકબરની બુમો પાડી અને બોમ્બથી ઉડાવી દેવાની ધમકી આપી. આ વ્યક્તિ ચીસો પાડી રહ્યો હતો તે કે તે બધું જ ઉડાવી દેશે. નોંધનીય છે કે એફિલ ટાવર જગપ્રસિદ્ધ છે અને ત્યાં હજારો લોકો ફરવા આવે છે.