કરાર / દ્વારકાની ટ્રીપ હવે ખાસ રહેશે: વાયબ્રન્ટમાં ડોલ્ફીન ક્રુઝ પ્રોજેકટ માટે થયા 20 કરોડના MoU, જાણો શું છે કોન્સેપ્ટ

• વિદેશની જેમ દ્વારકામાં ઓખા લોકો ડોલ્ફીન જોવા જઇ શકશે
• સરકાર અને અક્ષર ટ્રાવેલ્સ વચ્ચે થયા 20 કરોડનાં થયાં mou
• 100થી વધુ લોકોને મળી શકે છે રોજગારીની તક

ગાંધીનગર વાયબ્રન્ટ ગુજરાત ગ્લોબલ સમિટ 2024 દરમિયાન દ્વારકાને લઈને ગુજરાત સરકાર અને અક્ષર ટ્રાવેલ વચ્ચે નવાં MoU થયાં છે. કરાર બાદ દ્વારકામાં હવે પ્રવાસીઓ ડોલ્ફીન નિહાળી શકે તે માટેનાં પ્રયાસનાં ભાગરૂપે દ્વારકામાં હવે એક નવું નજરાણું જોવા મળશે. ટૂંક સમયમાં વિદેશની જેમ દ્વારકામાં ઓખા લોકો ડોલ્ફીન જોવા ક્રૂઝમાં જઈ શકશે. મરીન ક્રૂઝ ટૂરિઝમ પ્રોજેક્ટ થકી પ્રક્રિયા થશે. 

20 કરોડનાં ખર્ચે બનશે ક્રૂઝ
આ ક્રૂઝમાં કુલ 2 માળ હશે જેમાં 150 લોકો એકસાથે સવાર થઈ શકશે. આ ડોલફીન ક્રૂઝમાં  જમવાની અને મનોરંજની વ્યવસ્થા હશે. એટલું જ નહીં 20 કરોડ રૂપિયાનાં ખર્ચે દોઢ વર્ષની અંદર મેક ઇન ઇન્ડિયાના કોન્સેપ્ટ સાથે ડોલ્ફીન ક્રુઝ પ્રોજેકટ તૈયાર કરવામાં આવશે.

વધુ વાંચો: ચાર હજારના ડીઝલમાં જે કામ થાય એ 30 રૂપિયામાં થઈ જશે! ગુજરાતમાં ઈલેક્ટ્રિક ટ્રેક્ટરે ઊભું કર્યું આકર્ષણ

100થી વધુ લોકોને રોજગારી
સુહાગ મોદી (અક્ષર ટ્રાવેલ્સ)એ મીડિયાને જણાવ્યું કે અમે ફોરેસ્ટ ડિપાર્ટમેન્ટ સાથે MoU સાઈન કર્યો છે જે મરીન ક્રૂઝ ટૂરિઝમ પ્રોજેક્ટ છે. જેને અક્ષર ડોલફિન ક્રૂઝ નામ આપવામાં આવ્યું છે. આ ક્રૂઝની મરિનનાં નિયમો હેઠળ જ તૈયાર કરવામાં આવશે. તેમણે કહ્યું કે અક્ષર ડોલફીન ક્રૂઝમાં 2 ડેક હશે- અપર ડેક અને લોઅર ડેક. ક્રૂઝનાં પ્રવાસીઓ ફોરેસ્ટ ડિપાર્ટમેન્ટ દ્વારા નિર્ધારિત કરવામાં આવેલા ડોલફીન એરિયામાં ક્રૂઝમાં બેસીને ડોલફીન જોઈ શકશે. આ પ્રોજેક્ટ અંતર્ગત 100થી વધુ લોકોને રોજગારી મળે તેનો અમે પ્રયાસ કરશું.