ધર્મ / શું તમારી પણ છે આ રાશિ? તો થઇ જજો સાવધાન! 'શનિ' બદલશે પોતાની ચાલ, જાણો બચાવના ઉપાય

• 29 જૂન 2024નાં રોજ 'શનિ' કુંભ રાશિમાં વક્રી થશે
• આ રાશિઓ પર થશે શનિ વક્રીની અસર 
• શનિનાં અશુભ પ્રભાવથી બચવા માટે માત્ર આ એક જ ઉપાય

આવનાર નવું વર્ષ 2024 કેટલીક રાશિના જાતકો માટે શુભ છે તો અમુક રાશિનાં જાતકો માટે ગ્રહ ગોચરની વિપરીત ચાલનાં કારણે અશુભ સાબિત પણ થશે. જ્યોતિષ ગણતરી મુજબ 2024માં 'શનિ' કુંભ રાશિમાં વક્રી થવાનાં છે. શનિની આ વિપરીત ચાલની ખરાબ અસર અને પ્રભાવ અમુક રાશિઓ પર પડશે. જો આ રાશિનાં જાતકો શનિનાં અશુભ પ્રકોપનો ઉપાય પહેલા કરી લેશે તો ઠીક, નહીંતર તો આ રાશિનાં જાતકોને વર્ષ દરમિયાન ખરાબ પરિસ્થિતિઓનો સામનો કરવો પડી શકે છે. જાણીએ શનિનાં આ પ્રકોપનો સરળ ઉપાય શું છે. 

આ રાશિઓ પર થશે શનિ વક્રીની અસર 
29 જૂન 2024નાં રોજ 'શનિ' કુંભ રાશિમાં વક્રી થશે. શનિની ખરાબ નજર ઘણી રાશિઓ પર પડશે. શનિની ત્રીજી નજર મેષ રાશિ, સાતમી નજર સિંહ રાશિ પર અને દશમી નજર  વૃશ્ચિક રાશિ પર પડશે. જ્યોતિષ મુજબ જે લોકોનો શનિ માર્ગી હશે તેમના પર પ્રભાવ નહીં પડે પણ જે લોકોનો શનિ વક્રી હશે તે લોકોએ આ બાબતનું ખાસ ધ્યાન રાખવું જોઈએ.  કારણકે આ તેમના જીવન માટે નકારાત્મક હોઇ શકે અને સકારાત્મક પણ હોઇ શકે. જો આ સકારાત્મક હશે તો કોઈ સમસ્યા નથી પણ જો આ નકારાત્મક હશે તો આ શનિ મોટી માત્રામાં ઘાતક સાબિત થઈ શકે છે. 

તેનાથી બચાવ માટે આસાન ઉપાય 
જ્યોતિસ મુજબ તેનાથી બચવા માટે એક સીધો અને સરળ ઉપાય છે. માત્ર જે કક્ષમાં શનિ જન્મ કાળથી બેઠા છે તે કક્ષની નજીકથી આઠ રીંગણ ખરીદી, નજીકનાં મંદિરમાં અર્પણ કરી દો. એક વાતનું ખાસ ધ્યાન રાખો કે આ રીંગણને કોઈનાં હાથમાં નથી આપવાના પણ મંદિરમાં અર્પણ કરવાનાં છે. ત્યાર પછી શનિની અશુભ અસર ગમે તેટલી હશે, આ ઉપાયથી તમને તરત જ રાહત મળી જશે. જ્યોતિષ મુજબ શનિનાં અશુભ પ્રભાવથી બચવા માટે માત્ર આ એક જ ઉપાય છે.