બોલીવુડ / 'મેં ક્યારેય નહોતું વિચાર્યું કે....', ધર્મેન્દ્ર પાજીની યાદમાં ડ્રીમગર્લ હેમા માલિની થઇ ઇમોશનલ

બોલીવુડના દિગ્ગજ અભિનેતા ધર્મેન્દ્ર હવે આપણી વચ્ચે નથી રહ્યા. તેમનું અવસાન 24 નવેમ્બરના રોજ થયું હતું. તેમના નિધનથી સિનેમા જગતમાં શોકનું મોજું ફરી વળ્યું હતું. આ દરમિયાન હેમા માલિનીએ ધર્મેન્દ્રની યાદમાં દિલ્હીમાં તેમની બીજી પ્રાર્થના સભા યોજી હતી. આ પ્રાર્થના સભામાં અનેક સ્ટારે ધર્મેન્દ્રને શ્રદ્ધાંજલિ આપી હતી. જ્યાં હેમા માલિની અને તેમની પુત્રીઓ સહિત દરેક વ્યક્તિ ભાવુક જોવા મળ્યા હતા.

View this post on Instagram

A post shared by One100 News (@one100newsmedia)

ધર્મેન્દ્રની બીજી પ્રાર્થના સભામાં હેમા માલિનીએ તેમને યાદ કરીને ઈમોશનલ ભાષણ આપ્યું. આ સભા દરમિયાન હેમા માલિનીએ કહ્યું હતું કે, "આજની આ પ્રાર્થના સભામાં આપ સૌનું સ્વાગત કરતાં હું ખૂબ જ ભાવુક થઈ રહી છું. મેં ક્યારેય કલ્પના નહોતી કરી કે મારા જીવનમાં આવી ક્ષણ આવશે જ્યારે મારે પણ આ શોક સભા યોજવી પડશે અને તે પણ મારા ધરમજી માટે."

• કંગના રાણાવતે પણ આપી શ્રદ્ધાંજલિ
  આ સભામાં માત્ર હેમા માલિની જ નહીં પરંતુ તેમની પુત્રી ઈશા અને અહાના પણ આંખોમાં આંસુ સાથે જોવા મળી હતી. ઈશા અને અહાના બંને તેમના પિતાને યાદ કરતી વખતે ખુબ ભાવુક થઈ ગઈ હતી. જ્યાં કંગના રાણાવત પણ હાજર રહી હતી. કંગનાનો પણ એક વીડિયો સામે આવ્યો છે.
  

વધુ વાંચો : Border 2 રિલીઝના એક મહિના પહેલા કંઇક મોટું કરશે સની પાજી, એ નક્કી!

આ વીડિયોમાં કંગના રાણાવત ધર્મેન્દ્રના ફોટા સામે હાથ જોડીને અને આંખો બંધ કરીને ઉભી રહીને ધર્મેન્દ્રની આત્માની શાંતિ માટે પ્રાર્થના કરતી જોવા મળી હતી. પછી તરત જ કંગના રાણાવત હેમા માલિની પાસે જાય છે અને તેમના ચરણ સ્પર્શ કરે છે. હેમા માલિની કંગનાને રોકે છે. આ ઘટનાનો વીડિયો સોશિયલ મીડિયા પર વાયરલ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ