વિશ્વ / VIDEO : ચીનમાં ઉતરતા જ ડોનાલ્ડ ટ્રમ્પની થઈ બેઈજ્જતી! બન્યું ગજબનું, દેખાડી દીધી 'શક્તિ'

અમેરિકાના રાષ્ટ્રપતિ ડોનાલ્ડ ટ્રમ્પ બીજીવાર સત્તા સંભાળ્યા બાદ પોતાના બે દિવસીય સત્તાવાર પ્રવાસે ચીન પહોંચ્યા છે. જોકે, આ મુલાકાતની શરૂઆત જ વિવાદો અને ચર્ચાઓ સાથે થઈ છે. ચીનના રાષ્ટ્રપતિ શી જિનપિંગ અમેરિકી રાષ્ટ્રપતિને આવકારવા માટે બીજિંગ એરપોર્ટ પર પહોંચ્યા ન હતા, જેને ઘણા વિશ્લેષકો ટ્રમ્પના અપમાન તરીકે જોઈ રહ્યા છે.

એરપોર્ટ પર જિનપિંગની ગેરહાજરી

રાષ્ટ્રપતિ જિનપિંગે ટ્રમ્પના સ્વાગત માટે પોતાના ઉપરાષ્ટ્રપતિ હાન ઝેંગને મોકલ્યા હતા. ચીનની સમાચાર એજન્સી શિન્હુઆના જણાવ્યા અનુસાર, એરપોર્ટ પર ઉપરાષ્ટ્રપતિ ઝેંગની સાથે બીજિંગમાં અમેરિકી રાજદૂત ડેવિડ પર્ડ્યુ, અમેરિકામાં ચીની રાજદૂત શી ફેંગ અને ચીનના વિદેશ બાબતોના કાર્યકારી નાયબ મંત્રી મા ઝાઓક્સૂ હાજર રહ્યા હતા. ટ્રમ્પના સ્વાગત માટે ચીને સફેદ અને વાદળી ગણવેશમાં 300 યુવાનોને તૈનાત કર્યા હતા અને એરપોર્ટ પર બેન્ડ પાર્ટી પણ હાજર હતી. જોકે, અગાઉ ટ્રમ્પ જ્યારે UAE, ઈઝરાયેલ, સાઉદી અરેબિયા અને કતાર ગયા હતા, ત્યારે ત્યાંના રાષ્ટ્રાધ્યક્ષો પોતે એરપોર્ટ પર તેમને લેવા આવ્યા હતા. તેની સરખામણીએ ચીનનું આ વલણ ઘણું સૂચક માનવામાં આવે છે.

જિનપિંગ કેમ ન ગયા?

સાઉથ ચાઈના મોર્નિંગ પોસ્ટના અહેવાલ મુજબ, ચીની પ્રોટોકોલ હેઠળ વિદેશ મંત્રીએ એરપોર્ટ પર જવાનું હોય છે. 2017 માં પણ જ્યારે ટ્રમ્પ આવ્યા ત્યારે વિદેશ વિભાગના અધિકારી જ ગયા હતા. જોકે, આ વખતે જિનપિંગે ઉપરાષ્ટ્રપતિને મોકલીને એક રીતે ટ્રમ્પને ખુશ કરવાનો પ્રયાસ કર્યો છે. જિનપિંગ સામાન્ય રીતે કોઈ પણ નેતાને લેવા એરપોર્ટ જતા નથી. પુતિન અને કિમ જોંગ ઉન જેવી હસ્તીઓ ચીન ગઈ ત્યારે પણ જિનપિંગ એરપોર્ટ ગયા ન હતા. છેલ્લે 2009 માં જિનપિંગ જ્યારે પોતે ઉપરાષ્ટ્રપતિ હતા ત્યારે ઓબામાને લેવા એરપોર્ટ ગયા હતા.

આ મુલાકાત શા માટે મહત્વની છે?

ડોનાલ્ડ ટ્રમ્પ આ મુલાકાત દરમિયાન અનેક મહત્વના મુદ્દાઓ પર ચર્ચા કરવાના છે.

AI અને ખનિજ સંપત્તિ: આર્ટિફિશિયલ ઇન્ટેલિજન્સ (AI) અને રેર અર્થ મિનરલ્સને લઈને બંને દેશો વચ્ચે મોટી ડીલ થઈ શકે છે.

ટેરિફ અને વેપાર: ટ્રમ્પ ચીન પર લાદવામાં આવતા ટેરિફ અંગે જિનપિંગ સાથે સીધી વાત કરશે.

તાઈવાન વિવાદ: અમેરિકા માને છે કે ચીન 2027 સુધીમાં તાઈવાન પર હુમલો કરી શકે છે. આ પ્રવાસમાં તાઈવાન મુદ્દે ચીનનું વલણ સ્પષ્ટ થઈ શકે છે.

ઈરાન યુદ્ધ: અમેરિકા હાલમાં ઈરાન સાથેના જંગમાં ફસાયેલું છે. ચીન અને ઈરાન વચ્ચે નજીકના સંબંધો હોવાથી ટ્રમ્પ આ સંકટમાંથી બહાર નીકળવાનો રસ્તો શોધવા માટે જિનપિંગની મદદ માંગી શકે છે.

આ પણ વાંચોઃ કવાયત / PM મોદીની અપીલ બાદ ગુજરાતમાં ઇંધણ બચત અભિયાન તેજ, CMથી લઈને રાજ્યપાલ સુધી સૌએ કરી પહેલ

ટ્રમ્પની સાથે આ પ્રવાસમાં રક્ષા મંત્રી પીટ હેગસેથ, વિદેશ મંત્રી માર્કો રુબિયો અને અમેરિકાના ટોચના ઉદ્યોગપતિઓ પણ બીજિંગ આવ્યા છે.

આ પણ વાંચોઃ કવાયત / PM મોદીની અપીલ બાદ ગુજરાતમાં ઇંધણ બચત અભિયાન તેજ, CMથી લઈને રાજ્યપાલ સુધી સૌએ કરી પહેલ