તમારા કામનું / ઘરમાં શ્વાન પાળવાથી આ ગ્રહ દોષમાંથી મળે છે મુક્તિ, દૂર થશે જીવનના ઘણા સંકટ

• શનિ, રાહુ-કેતુ ગ્રહોની સમસ્યાથી મળશે છુટકારો 
• ઘરમાં કૂતરો પાળવાથી ગ્રહો થશે શાંત 
• જાણો કઈ કઈ વાતોનું રાખશો ધ્યાન 

શનિ અને રાહુ-કેતુ એવા ગ્રહો છે તેમના નામ સાંભળતા જ લોકોના મનમાં ડર આવે છે કારણ કે જો આ ગ્રહો અશુભ હોય તો જીવન બગાડે છે. તેથી જો જન્મકુંડળીમાં શનિદોષ કે રાહુ-કેતુ સંબંધિત કોઈ ખામી હોય તો તેનો તરત જ ઉપાય કરવો જોઈએ. 

આ ગ્રહો જીવનની કમાણી, માન, સંબંધોને પળવારમાં ખતમ કરવાની શક્તિ ધરાવે છે. જીવનના દરેક ક્ષણ સંકટથી ઘેરાઈ જાય છે. જો તમે પણ આ ગ્રહોને શાંત રાખવા ઈચ્છો છો તો તેના માટે તમારે એક જ કામ કરવું પડશે.

શ્વાનને પાળવાથી શાંત થાય છે શનિ, રાહુ-કેતુ 
ત્રણેય ગ્રહો શનિ અને રાહુ, કેતુને શાંત કરવા માટે ઘરમાં કૂતરો પાળવો સારો ઉપાય છે. જો કૂતરો કાળા રંગનો હોય તો વધુ સારું. કાળો કૂતરો ઘરની નકારાત્મક ઉર્જા પણ દૂર કરે છે અને ઘરને ખરાબ નજરથી પણ બચાવે છે. કૂતરો પાળવાથી શનિ અને કેતુ ગ્રહો શાંત રહે છે અને શુભ ફળ આપે છે.

કૂતરાને રોટલી ખવડાવો 
જો કૂતરો પાળવાનું શક્ય ન હોય તો કૂતરાને રોટલી ખવડાવો. શ્વાનને ભોજન આપવાથી અને તેની સેવા કરવાથી શનિદેવ પ્રસન્ન થાય છે. ખાસ કરીને જે લોકોની કુંડળીમાં શનિ અશુભ સ્થાનમાં હોય અથવા જેમની શનિની મહાદશા - સાડે સાતી, ઢૈય્યા ચાલી રહી હોય તેવા લોકોએ કૂતરાઓને ભોજન જરૂર આપવું જોઈએ. ઉપરાંત તેઓએ કૂતરાની સેવા કરવી જોઈએ. તેનાથી શનિના કારણે આવનારી પરેશાનીઓથી બચી શકાય છે. કૂતરાને તેલ ચોપડેલી રોટલી ખવડાવો. 

કાલ ભૈરવ થાય છે પ્રસન્ન
આ ઉપરાંત કાલ ભૈરવ પણ કૂતરાની સેવા કરવાથી પ્રસન્ન થાય છે. કાલ ભૈરવની કૃપા સૌથી મોટા સંકટને ટાળે છે. આવા લોકો જેમના જીવનમાં પૈસાની કમી હોય, સંતાન સુખ ન હોય, તેમણે કાલ ભૈરવની કૃપા મેળવવા માટે કૂતરાની સેવા કરવી જોઈએ.