- પાણીપુરી ખૂબ જ ચટપટુ અને સ્વાદિષ્ટ સ્ટ્રીટ ફૂડ
- અનેક લોકો ચાંદા પડે ત્યારે પાણીપુરી ખાવાની સલાહ આપે છે
- શું ખરેખર પાણીપુરી ખાવાથી મોઢાના ચાંદા મટી જાય છે?
ભાગ્યે જ કોઈ એવી વ્યક્તિ હશે, જેને પાણીપુરી પસંદ નહીં હોય. તમામ ગલી અને ચાર રસ્તા પર પાણીપુરીની લારી હોય જ છે. આ ખૂબ જ ચટપટુ અને સ્વાદિષ્ટ સ્ટ્રીટ ફૂડ છે. અનેક લોકો મોઢાના ચાંદા ઠીક કરવા માટે પાણીપુરી ખાતા હોય છે. અનેક લોકોના મોઢે સાંભળ્યું હશે કે, મોઢામાં ચાંદા પડે તો પકોડી ખાઈ લેવી જોઈએ. શું ખરેખર પાણીપુરી ખાવાથી મોઢાના ચાંદા મટી જાય છે? આવો જાણીએ તે બાબતમાં કેટલું સત્ય રહેલું છે.
શું પાણીપુરી ખાવાથી ચાંદા મટી જાય છે?
શું પાણીપુરી ખાવાતી મોઢાના ચાંદા મટી જાય છે? જેનો જવાબ છે, ના. ડોકટર્સ જણાવી રહ્યા છે કે, આ એક પ્રકારનો ભ્રમ છે, ઘણા લોકો તે ફોલો કરે છે. ડોકટરો અનુસાર પાણીપુરી સોલ્ટી અને ક્રિસ્પી હોય છે. જે મોઢામાં જાય તો ચાંદા મટતા નથી, પરંતુ વધી જાય છે. આ કારણોસર એવું કહેવું કે, પાણીપુરી ખાવાથા મોઢાના ચાંદા મટી જાય છે, તે તદ્દન અયોગ્ય છે. મોઢાના ચાંદા મટે તે માટે તમારા મોઢામાંથી લાળ નીકળવી જરૂરી છે, જેનાથી તમારા ડેડ સેલ બહાર નીકળી જાય છે અને તે મટવા લાગે છે. આ કારણોસર ડૉકટરો ચાંદા પડે ત્યારે જેલ લગાવવાનું કહે છે, જે મોઢામાં લગાવીને લાળ કાઢવામાં આવે છે.
શું પાણીપુરીનું પાણી ફાયદાકારક છે?
ડોકટરો જણાવે છે કે, જ્યારે પણ મોઢામાં ચાંદા પડે ત્યારે મીઠાના પાણીથી કોગળા કરવાની સલાહ આપવામાં આવે છે, જેની મદદથી મોઢામાંથી લાળ નીકળે છે. પકોડીનું પાણી ચટપટુ અને મીઠાવાળુ હોય છે, આ કારણોસર મોઢામાંતી લાળ વધુ નીકળે છે. જેથી તેના કારણે મોઢાના ચાંદા મટે તેવું સંભવ હોઈ શકે છે. ડોકટર ચાંદા પડે ત્યારે પાણીપુરીની જગ્યાએ અન્ય ચટપટી વસ્તુ ખાવાની સલાહ આપે છે. ઉપરાંત મોઢાના ચાંદા માટે વરિયાળીનું પાણી પણ ફાયદાકારક સાબિત થઈ શકે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
