કામની ટિપ્સ / જૉબ ઇન્ટરવ્યૂ આપતા પહેલાં આ 5 કામ અવશ્ય કરી લેજો, નહીં તો હાથમાં આવેલી નોકરી જશે

• નોકરીઓમાં સ્પર્ધા એટલી વધી ગઈ છે કે નોકરી મેળવવી ખૂબ જ મુશ્કેલ 
• નાની-નાની બાબતોનું ધ્યાન રાખશો તો નોકરીની તકો વધશે
• ઈન્ટરવ્યુ દરમિયાન લુક, બોલવાની રીત સહિત દરેક બાબતનું ધ્યાન રાખવું જરૂરી

આજકાલ નોકરીઓમાં સ્પર્ધા એટલી વધી ગઈ છે કે નોકરી મેળવવી ખૂબ જ મુશ્કેલ બની ગઈ છે. આવી સ્થિતિમાં જો તમે તમારા ઇન્ટરવ્યુમાં ભૂલો કરો છો, તો તમે નોકરી ગુમાવી શકો છો. નાની-નાની બાબતોનું ધ્યાન રાખશો તો નોકરીની તકો વધશે. કોઈ કંપનીમાં નોકરી મેળવવા માટે તમારે પસંદગીની પ્રક્રિયામાંથી પસાર થવું પડે છે, જેના કારણે તમારા મગજમાં ઘણી બધી વાતો ચાલતી રહે છે કે મને નથી ખબર કે મારી પસંદગી થશે કે નહીં. આ બાબતોને બાજુ પર રાખીને નીચે આપેલી બાબતો પર ધ્યાન આપો.

ઈન્ટરવ્યુ દરમિયાન તમારો લુક, બોલવાની રીત, બેસવાની સ્ટાઈલ વગેરે જેવી બાબતો નજરે પડે છે. અમે તમને કેટલીક એવી ભૂલો વિશે જણાવી રહ્યા છીએ જે ઇન્ટરવ્યૂમાં ભૂલથી પણ ન કરવી જોઈએ. જો તમે આ બાબતોને ફોલો કરશો તો ઇન્ટરવ્યૂમાં તમારી પસંદગી થશે.

સૌ પ્રથમ લોકો તમને તેમની આંખોથી જજ કરે છે. તેથી તમારા કપડાં, સ્ટાઇલ અને ફેશન સેન્સ ઇન્ટરવ્યુ મુજબ શ્રેષ્ઠ હોવા જોઈએ.

ફોનને સાઈલન્સ કરવાનું ભૂલશો નહીં. રૂમમાં પ્રવેશતા પહેલા ફોનને સાઈલન્સ કરી દો જેથી ઈન્ટરવ્યુ દરમિયાન કોઈ કોલ કે મેસેજ આવે તો કોઈ ખલેલ ન પડે.

તમે જે કંપનીમાં ઈન્ટરવ્યુ આપવા જઈ રહ્યા છો તેની સંપૂર્ણ માહિતી રાખો. તેના ઈતિહાસ, વર્તમાન, સફળતા અને તેના ઉત્પાદનોના પડકારોથી લઈને તમારે બધું જ જાણવું જોઈએ.

ઇન્ટરવ્યુના 10 મિનિટ પહેલા સ્થળ પર પહોંચો, આ કંપનીને બતાવશે કે તમે સમયના પાબંદ છો.

વધુ વાંચો : 20 હજાર રૂપિયા સેલરી હોય તો પણ શું થયું, આવી રીતે ભેગા કરી શકશો 1 કરોડ, બસ રોકાણની રીત જાણી લો

જ્યારે તમે ઇન્ટરવ્યુ માટે રૂમમાં જાઓ છો, ત્યારે તમારા ચહેરા પર નર્વસનેસ દેખાતી ન હોવી જોઈએ.