તમારા કામનું / તમારા મોબાઈલ પર દેખાશે કોલ કરનારાનું નામ, TRAIએ ટેલોકોમ કંપનીને આપ્યો આદેશ, ટૂંક સમયમાં ટ્રાયલ શરૂ

અત્યાર સુધી મોબાઈલ યુઝર્સ થર્ડ પાર્ટી એપ Truecallerની મદદથી કોલરની માહિતી મેળવતા હતા. જેમાં મોબાઈલ યુઝરનો ડેટા લીક થવાનું જોખમ રહેલું છે. કારણ કે Truecaller એપ ઇન્સ્ટોલ કર્યા પછી, તે તમારી પાસેથી ઘણી પરવાનગીઓ માંગે છે, જેમાં તમારા મોબાઇલમાં સેવ કરેલા કોન્ટેક્ટ્સ, મેસેજ અને ફોટો જેવી માહિતીનો સમાવેશ થાય છે.

TRAIએ દેશભરની ટેલિકોમ કંપનીઓને આપ્યો આદેશ

જો તમારા સ્માર્ટફોનમાં કોઈનો નંબર સેવ નથી અને તમને કોઈ અજાણ્યા નંબર પરથી કોલ આવે છે, તો તમારા મગજમાં પહેલો સવાલ એ આવે છે કે કોલ કરનાર કોણ હોઈ શકે. જો તમારી સાથે આવું વારંવાર થતું હોય તો ચિંતા કરવાની જરૂર નથી, કારણ કે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ દેશભરની ટેલિકોમ કંપનીઓને કોલિંગ નેમ પ્રેઝન્ટેશન લાગુ કરવાનો આદેશ આપ્યો છે, એટલે જો કોઈ અજાણ્યો વ્યક્તિ તમારા ફોન પર કૉલ કરે છે તમારા ફોનની સ્ક્રીન પર તેનું નામ દેખાશે, તેના માટે ટ્રુ કોલર કે પછી બીજી કોઇ થર્ડ પાર્ટી એપ ડાઉનલોડ નહીં કરવી પડે.

આ પણ વાંચોઃ વોટ્સએપ અને ઈન્સ્ટાગ્રામમાંથી ડિલીટ કરેલા મેસેજ પણ વાંચી શકાશે, ટ્રાય કરો આ ટ્રિક્સ

અગાઉ, સ્માર્ટફોન વપરાશકર્તાઓ તેમના ફોન પર અજાણ્યા કૉલ્સ વિશે માહિતી મેળવવા માટે થર્ડ પાર્ટી એપ્સનો ઉપયોગ કરતા હતા, જેમાં ઘણા વપરાશકર્તાઓ ટ્રુ કોલરનો ઉપયોગ કરે છે. તમને જણાવી દઈએ કે થર્ડ પાર્ટી એપ્સ તેમની સુવિધાઓ પ્રદાન કરવા માટે ઇન્સ્ટોલેશન સમયે ઘણી બધી પરવાનગી માંગે છે, જેમાં સંપર્ક વિગતો, ફોન ગેલેરી, સ્પીકર, કેમેરા અને કોલ હિસ્ટ્રી વિશેની માહિતી શામેલ છે. જો તમે આ બધાને પરમિશન નહીં આપો તો આ થર્ડ પાર્ટી એપ્સ કામ કરતી નથી અને જો તમે પરમિશન આપો તો તમારી પર્સનલ ડિટેલ્સ લીક ​​થવાનો ડર છે.