રામમય / અમદાવાદની શિલ્પ શાલીગ્રામ સોસાયટીમાં દિવાળી જેવો માહોલ, 2000 દીવાઓ સાથેની અદ્ભુત રંગોળી મનમોહી લેશે

 

• રામ મંદિર પ્રતિષ્ઠા મહોત્સવના અવસરને લોકોએ બનાવ્યો યાદગાર 
• વસ્ત્રાપુરમાં શિલ્પ શાલીગ્રામ સોસાયટીમાં અનોખી ઉજવણી કરાઈ
• દીવાઓ પ્રગટાવી રામ-ધુન અને સુદરકાંડના પાઠનું કરાયું આયોજન

"રામ આયેંગે તો અંગના સજાઉંગી, દીપ જલાકે, દિવાલી મનાઉંગી..." આજે દેશભરમાં દિવાળી જેવો માહોલ છે. કારણ કે આજે ભગવાન શ્રીરામ અયોધ્યામાં બિરાજમાન થયા છે. અયોધ્યામાં ભગવાન શ્રીરામ મંદિરની પ્રાણ પ્રતિષ્ઠા કરવામાં આવતા દેશભરમાં રામમય માહોલ બની ગયો છે. ત્યારે અમદાવાદના વસ્ત્રાપુરમાં આવેલી શિલ્પ શાલીગ્રામ સોસાયટીમાં અનોખી રીતે ઉજવણી કરવામાં આવી હતી. 

રામ મંદિર પ્રાણ પ્રતિષ્ઠા મહોત્સવને યાદગાર બનાવ્યો
સદીઓના સંઘર્ષ બાદ પ્રભુ શ્રીરામ નિજ મંદિરમાં બિરાજમાન થતાં રામ ભક્તોમાં ભક્તિરસ સાથે ઉત્સાહનુ વાતાવરણ છવાયું છે. રામ મંદિર પ્રાણ પ્રતિષ્ઠા મહોત્સવને યાદગાર બનાવવા શિલ્પ શાલીગ્રામ સોસાયટીના લોકોએ અદ્ભૂત રંગોળી તેમજ 2 હજારથી વધુ દીવાઓ પ્રગટાવી ભવ્ય ઉજવણી કરી હતી. આજે સમગ્ર ભારત દેશની સાથે સમગ્ર વિશ્વ પણ રામમય બની ગયું છે. વર્ષો જુની મનોકામના આજે પૂર્ણ થતા સૌ કોઈ ભક્તિમાં તરબોળ થઈ ગયા છે. 

વાંચવા જેવું: ધન્ય ધન્ય આ શુભઘડી! પ્રાણ પ્રતિષ્ઠા બાદ પ્રભુ શ્રી રામના પ્રથમ દર્શન, બોલો સિયાવર રામ ચંદ્ર કી જય

દિવાળી જેવો માહોલ 
વિવિધ જગ્યા પર ઉજવણી, હવન, આરતી, પુજા કરીને ભગવાન શ્રીરામને આવકારવામાં આવી રહ્યા છે. ત્યારે વસ્ત્રાપુરમાં આવેલી શિલ્પ શાલીગ્રામ સોસાયટીમાં પણ ભાવિક ભક્તો સહવિશેષ ઉજવણી કરી હતી. સમગ્ર સોસાયટીમાં દિવાળી જેવો માહોલ સર્જાયો છે. 2 હજાર દીવડા પ્રગટાવી, રંગળી પૂરીને સાથો સાથ રામ ધુન અને સુદરકાંડના પાઠનું પણ આયોજન કરવામાં આવ્યું છે. એક તરફ અયોધ્યા નગરીમાં જ્યારે શુભ મુહ્રુતમાં ભગવાન શ્રીરામ બિરાજમાન થયા છે ત્યારે દેશના વિવિધ રાજ્ય, શહેર, ગામોમાં ભવ્યાતિભવ્ય ઉજવણી કરવામાં આવી રહી છે.