માનવીય પગલું / દેવેન્દ્ર ફડણવીસે જીતી લીધું દિલ, દિવ્યાંગ છોકરી પાસે પગથી કરાવ્યું તિલક-આરતી, ભાવુક પોસ્ટ લખીને વધાવી દીકરીને

• મહારાષ્ટ્રના ઉપમુખ્યમંત્રી દેવેન્દ્ર ફડણવીસ દિલ જીતી લેતું કામ કર્યું 
• જલગાંવમાં દિવ્યાંગ છોકરીના પગથી માથે તિલક કરાવ્યું
• સાથે આરતી પણ ઉતારાવી, દીકરીને આપ્યું બહુમાન 

મહારાષ્ટ્રના ઉપમુખ્યમંત્રી દેવેન્દ્ર ફડણવીસનો એક દિવ્યાંગ યુવતી દ્વારા પગથી તિલકવાળો વીડિયો સોશિયલ મીડિયામાં વાયરલ થયો છે. દિવ્યાંગ છોકરી દેવેન્દ્ર ફડણવીસના કપાળ પર પગ વડે તિલક કરીને આરતી ઉતારતી જોવા મળે છે. 

“अनंत अमुची ध्येयासक्ती अनंत अन् आशा किनारा तुला पामराला!”@Dev_Fadnavis pic.twitter.com/4oEwTWlVTZ

— भाजपा महाराष्ट्र (@BJP4Maharashtra) June 28, 2023

દિવ્યાંગ યુવતીએ નાયબ મુખ્યમંત્રીની 'આરતી' ઉતારી 
વીડિયોમાં જોવા મળી રહ્યું છે કે, વિકલાંગ યુવતીના હાથ નથી એટલે તેણે ફડણવીસને પગેથી તિલક કર્યું હતું અને આરતી ઉતારી હતી. આ પછી, નાયબ મુખ્ય પ્રધાન થોડા પૈસા છોકરીની થાળીમાં મૂકે છે આ પછી છોકરી ચાલી જાય છે અને તેઓ હાથ જોડીને તેના જુસ્સાને સલામ કરતાં ઊભા રહ્યાં. 

વીડિયો શેર કરીને ઈમોશનલ પોસ્ટ શેર કરી
દિવ્યાંગ યુવતીનો વીડિયો શેર કરતા નાયબ મુખ્યમંત્રીએ કહ્યું કે, "તેની આંખો તેજસ્વી અને ઉગ્ર હતી, જાણે નિયતિને પડકારતી હોય અને કહેતી હોય કે, શું તમે મને હરાવશો? મારે કોઈની સહાનુભૂતિ નથી જોઈતી, મારે દયા નથી જોઈતી. હું મજબૂત છું. આ જોઈને મેં માત્ર એટલું જ કહ્યું, "તાઈ, સંઘર્ષ કરતા રહો." અમે બધા તમારી સાથે છીએ. 

आज तक कई माताओं-बहनों ने आशीर्वाद स्वरूपी आरती की, तिलक लगाया।
आज भी उसी भावना के साथ एक अंगूठा मेरे माथे पर तिलक लगाने के लिए पहुंचा... पर इस बार ये हाथ का नहीं पांव का अंगूठा था।
जीवन में आने वाले ऐसे क्षण झकझोर देते हैं, आँखों को नम कर देते हैं, पर सिर्फ कुछ पल के लिए।… pic.twitter.com/pqpqeO3Kbo

— Devendra Fadnavis (@Dev_Fadnavis) June 27, 2023

દીપ સ્તંભ ફાઉન્ડેશનના કાર્યક્રમમાં બન્યો ભાવુક પ્રસંગ 
મહારાષ્ટ્રના ડેપ્યુટી સીએમ દેવેન્દ્ર ફડણવીસ મંગળવારે  જલગાંવ પહોંચ્યા હતા, જ્યાં તેમણે દીપ સ્તંભ ફાઉન્ડેશનના કાર્યક્રમમાં હાજરી આપી હતી. આ જ કાર્યક્રમમાં વિકલાંગ છોકરીએ ફડણવીસને પગના પંજા વડે કપાળ પર તિલક લગાવી આરતી ઉતારી હતી. છોકરીના બંને હાથ નથી. દીપ સ્તંભ ફાઉન્ડેશન દિવ્યાંગ બાળકો માટે કામ કરે છે. તે બાળકોને સ્પર્ધાત્મક પરીક્ષાઓની તૈયારી કરવામાં મદદ કરે છે અને ઉચ્ચ શિક્ષણમાં પણ મદદ કરે છે. આ ઘટના બાદ ફડણવીસે સોશિયલ મીડિયામાં એક ઈમોશનલ પોસ્ટ શેર કરી હતી.