તમારા કામનું / દિકરીના ભવિષ્યની ચિંતા છોડો, સરકારની આ સ્કીમમાં કરો અરજી, મળશે ઘણા લાભ

• દિકરીના ભવિષ્યની ચિંતા છોડો 
• સરકાર આપી રહી છે આ લાભ 
• જાણો લાડલી યોજના વિશે 

આજે અમે તમને એક આર્થિક મદદ યોજના વિશે જણાવવા જઈ રહ્યા છીએ જેને સરકાર ખાસ દીકરીઓ માટે લાવી છે. આ યોજનાનું નામ લાડલી યોજના છે. આ યોજના હેઠળ, છોકરીના જન્મ પર, સરકાર છોકરીના માતાપિતાને આર્થિક મદદ તરીકે 11 હજાર રૂપિયાની સહાય આપે છે. 

આ લોકોને મળશે લાડલી યોજનાનો લાભ
લાડલી યોજના દિલ્હી સરકાર દ્વારા ચલાવવામાં આવતી કલ્યાણ યોજના છે. દિલ્હીની હોસ્પિટલમાં જન્મેલી બાળકી આ યોજનાનો લાભ મેળવવા માટે પાત્ર છે. બાળકીના જન્મ પર દિલ્હી સરકાર માતા-પિતાને 11 હજાર રૂપિયાની મદદ આપે છે. આ પૈસા છોકરી સિવાય કોઈ ઉપાડી શકશે નહીં.

બાળકી 18 વર્ષની થઈ જાય પછી તે આ પૈસા સરળતાથી ઉપાડી શકે છે. આ યોજનાનો લાભ લેવા માટે, બાળકીના માતાપિતા ઓછામાં ઓછા ત્રણ વર્ષથી દિલ્હીમાં રહેતા હોવા જોઈએ. આ સિવાય તેના પરિવારની આવક વાર્ષિક 1 લાખ રૂપિયાથી વધુ ન હોવી જોઈએ. આ યોજનાનો લાભ એક પરિવારની માત્ર બે દીકરીઓને જ મળી શકે છે.

એક લાખ રૂપિયાની મળે છે મદદ 
આ યોજના દ્વારા સરકાર કન્યાને એક લાખ સુધીની આર્થિક સહાય આપી શકે છે. પરંતુ, તમામ કન્યાઓને એક લાખનો લાભ મળતો નથી. જેમણે 1st, 6th, 9th, 10th અને 12th class પછી આ સ્કીમ રિન્યુ કરાવી છે આ યોજનાનો લાભ તેમને જ મળે છે. આ સિવાય સરકાર છોકરીઓને તેમના સ્કૂલિંગ દરમિયાન પણ સમયાંતરે આર્થિક મદદ કરતી રહે છે. ધોરણ 1, 6, 9, 10 અને 12માં પ્રવેશ માટે સરકાર દ્વારા 5000 રૂપિયાની આર્થિક સહાય આપવામાં આવે છે.