- PM મોદી અને CM યોગીને મળી જાનથી મારી નાખવાની ધમકી
- નોઈડામાં એક યુવાને ખાનગી ન્યૂઝ ચેનલના હેડને મોકલ્યો ઈમેલ
- ઈમેલને આધારે પોલીસે કેસ દાખલ કરીને શરુ કરી તપાસ
વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી મળી છે. જાણકારી સામે આવતા જ નોઈડા પોલીસે કેસ નોંધીને મામલાની તપાસ શરૂ કરી દીધી છે.
કોણ આપી પીએમ-સીએમને હત્યાની ધમકી
નોઇડાના સેક્ટર-20 પોલીસ સ્ટેશનમાં એક ન્યૂઝ ચેનલના વરિષ્ઠ અધિકારીએ ફરિયાદ નોંધાવી હતી કે તેમની કંપનીના ચીફ ફાઇનાન્સ ઓફિસરને દેશના વડાપ્રધાન અને ઉત્તર પ્રદેશના મુખ્યમંત્રી સહિત અનેક લોકોને જાનથી મારી નાખવાની ધમકી આપતો ઇ-મેઇલ મળ્યો છે. અધિકારીની ફરિયાદને આધારે નોઈડા પોલીસે કેસ દાખલ કરીને ત્રણ ટીમો બનાવી તપાસ શરૂ કરી છે. ધમકી ભર્યો ઈ-મેલ મોકલનારા યુવકનું નામ કાર્તિક સિંહ જણાવવામાં આવી રહ્યું છે. આરોપીનું આઈડી [email protected] છે. સેક્ટર 20 પોલીસ સ્ટેશનમાં આઇટી એક્ટની કલમ 152એ (1) (બી), 505 (1) (બી), 506, 507 અને 66 ડી હેઠળ કેસ નોંધવામાં આવ્યો છે.
નોઈડા પોલીસને મળી મહત્વની કડીઓ
નોઈડા પોલીસને આ કેસમાં મહત્વની કડીઓ મળી છે. પોલીસ અધિકારીઓના જણાવ્યા અનુસાર, આ કેસનો ટૂંક સમયમાં ખુલાસો થશે. કેટલાક લોકોની અટકાયત કરીને પૂછપરછ કરવામાં આવી રહી છે. આસિસ્ટન્ટ પોલીસ કમિશનર રજનીશ વર્માએ જણાવ્યું હતું કે સેક્ટર 16-એ સ્થિત એક ન્યૂઝ ચેનલના મેનેજર વિજય કુમારે પોલીસમાં ફરિયાદ નોંધાવી છે. આ મુજબ તેમની કંપનીના સીએફઓ કુશાન ચક્રવર્તીને એક ઇ-મેલ મોકલવામાં આવ્યો છે, જેમાં દેશના વડાપ્રધાન સહિત ઘણા મહત્વપૂર્ણ લોકોને જાનથી મારી નાખવાની ધમકી આપવામાં આવી છે.પોલીસને શંકા છે કે આ પ્રકારનો ઈ-મેઈલ માનસિક રીતે અસ્થિર વ્યક્તિ દ્વારા કરવામાં આવ્યો હતો. તમામ પાસાઓને ધ્યાનમાં રાખીને તપાસ કરવામાં આવી રહી છે. આ કેસમાં સાયબર ટીમ પણ તૈનાત કરવામાં આવી છે. ટૂંક સમયમાં જાહેર કરવામાં આવશે.
