- દિલ્હી કેપિટલ્સના કેપ્ટન ડેવિડ વોર્નરને ફટકારાયો દંડ
- ધીમી ઓવર રેટ માટે દોષી ઠેરવવામાં આવ્યો હતો
- દિલ્હી કેપિટલ્સે બીજા દાવમાં ઘણો સમય વેડફ્યો હતો
- IPL મેનેજમેન્ટે તેના પર 12 લાખનો દંડ લગાવ્યો
દિલ્હી કેપિટલ્સનો કેપ્ટન ડેવિડ વોર્નર સનરાઇઝર્સ હૈદરાબાદ સામેની બહુપ્રતીક્ષિત જીત બાદ ભારે ઉત્સાહમાં જોવા મળ્યો હતો. SRH ને તેમના હોમ ગ્રાઉન્ડ પર હરાવવાનો આનંદ હતો, જે એક સમયે તેમની ફ્રેન્ચાઇઝી હતી. SRH ટોચના મેનેજમેન્ટ અને વોર્નર વચ્ચેના ઝઘડાને પગલે તેને IPL 2021 દરમિયાન ટીમમાંથી બહાર કરવામાં આવ્યો હતો. આવી સ્થિતિમાં જ્યારે વોર્નરે સોમવારે રાત્રે SRH સામે જીત મેળવી તો તેની ખુશીનો કોઈ પાર ન રહ્યો. જો કે, આ ખુશી પછી તેને દંડનો આંચકો પણ લાગ્યો. IPLએ તેના પર 12 લાખનો દંડ ફટકાર્યો હતો.
12 લાખનો દંડ લગાવ્યો
ડેવિડ વોર્નર દિલ્હી કેપિટલ્સ અને સનરાઇઝર્સ હૈદરાબાદ મેચ દરમિયાન ધીમી ઓવર રેટ માટે દોષી ઠેરવવામાં આવ્યો હતો. દિલ્હી કેપિટલ્સે બીજા દાવમાં ઘણો સમય વેડફ્યો હતો. જેના કારણે ન્યૂનતમ ઓવરોનો ક્વોટા નિર્ધારિત સમયમાં પૂરો થઈ શક્યો નહોતો. આ કારણોસર, IPL મેનેજમેન્ટે તેના પર 12 લાખનો દંડ લગાવ્યો છે. IPL દ્વારા જારી કરવામાં આવેલા નિવેદનમાં કહેવામાં આવ્યું છે કે, દિલ્હી કેપિટલ્સને રાજીવ ગાંધી ઈન્ટરનેશનલ સ્ટેડિયમમાં સનરાઈઝર્સ હૈદરાબાદ સામેની મેચ દરમિયાન તેમની ટીમ દ્વારા ધીમી બોલિંગને કારણે દંડ ફટકારવામાં આવ્યો છે. કેપ્ટન ડેવિડ વોર્નરને દંડ ફટકારવામાં આવ્યો છે. આ સિઝનમાં ન્યૂનતમ ઓવર-રેટના નિયમના ઉલ્લંઘનનો આ તેમની ટીમનો પ્રથમ કેસ હતો. વોર્નર પર 12 લાખનો દંડ ફટકારવામાં આવ્યો છે.
દિલ્હી કેપિટલ્સને સિઝનની બીજી જીત મળી
આ મેચમાં દિલ્હી કેપિટલ્સ પ્રથમ બેટિંગ કરતા માત્ર 144 રન જ બનાવી શકી હતી. પરંતુ ટીમના બોલરોએ શાનદાર પ્રદર્શન કરીને આ સ્કોરનો બચાવ કર્યો હતો. દિલ્હીના બોલરોએ સનરાઇઝર્સ હૈદરાબાદને માત્ર 137 રનમાં રોકી દીધું હતું. દિલ્હીને છેલ્લી ઓવરમાં આ જીત મળી હતી. આ સિઝનમાં દિલ્હીની આ માત્ર બીજી જીત છે. તે તેની પ્રથમ પાંચ મેચ હારી ગયો હતો.
