- વિદ્યાર્થીઓને ટાર્ગેટ કરતી લિંક વાયરલ
- વિદ્યાર્થીઓને મોકલાય છે ફ્રી લેપટોપની લિંક
- ખાસ તકેદારી રાખવાની સૂચના અપાઈ
- વાલીઓને પણ ખાસ તકેદારી રાખવાની સૂચના અપાઈ
સાયબર ફ્રોડની ઘટનાઓ સતત વધી રહી છે. સ્કેમર્સ છેતરપિંડી કરવા માટે આજકાલ ઘણી પદ્ધતિઓનો ઉપયોગ કરી રહ્યા છે. ક્યારેક નોકરી અપાવવાના નામે તો ક્યારેક લોટરીના નામે લોકોને મેસેજ કરવામાં આવી રહ્યા છે. આ મેસેજોની સાથે એક લિંક પણ શેર કરવામાં આવે છે. તમારી ઘણી વિગતો લિંક પર ક્લિક કરીને મેળવવામાં આવે છે. આનો ઉપયોગ કરીને સ્કેમર્સ લોકો સાથે છેતરપિંડી કરે છે. ત્યારે હાલ આવી જ એક વિદ્યાર્થીઓને ટાર્ગેટ કરતી ફેક ચીની લિંક સોશિયલ મીડિયા પર ફરી રહી છે, જેમાં 9.60 લાખ વિદ્યાર્થીઓને ફ્રી લેપટોપ આપવાની લાલચ આપવામાં આવી રહી છે. આવી લિંક પર ક્લિક ન કરવાની અપીલ સાયબર એક્સપર્ટ દ્વારા આપવામાં આવી છે.
સાયબર માફિયાએ અજમાવ્યો નવો પેતરો
સાયબર એક્સપર્ટ દ્વારા જણાવવામાં આવ્યું કે, સાયબર માફિયાઓએ એક નવો પેતરો અજમાવ્યો છે. તેમણે વિદ્યાર્થીના ફોનની સ્ક્રીન એક્ટિવિટીને રેકોર્ડ કરવાની સાથે પાસવર્ડ સહિતના ડેટા ચોરી કરવા નવો કીમિયો અજમાવ્યો છે. સાયબર માફિયાઓએ 9.60 લાખ વિદ્યાર્થીઓને ફ્રીમાં લેપટોપ આપવાની લાલચ આપવામાં આવી રહી છે.
વિદ્યાર્થીઓને આપવામાં આવી રહી છે લાલચ
તેમણે જણાવ્યું કે, https://lii.ke/Students-FREE-LAPTOP લિંક સોશિયલ મીડિયા પર શેર કરવામાં આવી રહી છે અને આમાં 9.60 વિદ્યાર્થીઓને ફ્રીમાં લેપટોપ આપવાની લાલચ આપવામાં આવી રહી છે. સાથે જ આ લિંકને સોશિયલ મીડિયાના પાંચ ગ્રુપમાં શેર કરવા માટે જણાવવામાં આવી રહ્યું છે.
વિદ્યાર્થીઓ પાસે માંગવામાં આવી રહી છે વિગતો
એક્સપર્ટે જણાવ્યું છે કે, આ લિંક પર રજિસ્ટ્રેશનના નામે આખું નામ, સરનામું, કોલેજનું નામ, કોર્સની વિગતો માંગવામાં આવી રહી છે. સાથે ઠગો લેપટોપ મળી ગયુ જેવા બોગસ રિવ્યૂ પોસ્ટ પણ સોશિયલ મીડિયામાં કરાવી રહ્યા છે. આ બધી વિગતો આમાં ભરવાથી વિદ્યાર્થીઓના ડેટાનો ખોટો ઉપયોગ થઈ શકે છે. આના પર ક્લિક કરતા જ યુઝર ત્રણ સાયબર એટેકનો ભોગ બને છે. જેમાં ફિશિંગ લિંક, મેલિસીયર અને માલવેરનો સમાવેશ થાય છે.
ડેટાની ચોકી કરે છે માલવેર
આ લિંક પર ક્લિક કરતા જ ફોનમાં માલવેર ઇન્ટોલ થઈ જાય છે. જે યુઝરના મોબાઈલની સ્ક્રીન એક્ટિવિટીને રોકોર્ડ કરે છે. સાથે જ ફોનના ડેટાની ચોરી કરે છે. જેથી ભૂલથી પણ આવી લિંક પર ક્લિક ન કરવું જોઈએ. સાથે વાલીઓને પણ અપીલ કરવામાં આવે છે કે આવી કોઈ લિંક પર ક્લિક કરો તો તાત્કાલિક તમારા ફોનના પાસવર્ડને રી સેટ કરી લો.
