- ઓસ્ટ્રેલિયાની ટીમ મોડી સાંજે અમદાવાદ આવી પહોંચી
- ટીમનાં ખેલાડીઓને જોવા હોટલ પર લોકોની ભારે ભીડ
- ટિકિટ ન મળતા દર્શકો થઈ રહ્યા છે નિરાશ
વર્લ્ડ કપ 2023 ની ફાઈનલ મેચને લઈ અમદાવાદીઓમાં અનેરો ઉત્સાહ જોવા મળી રહ્યો છે. ત્યારે 19 નવેમ્બરે નરેન્દ્ર મોદી સ્ટેડિયમ ખાતે ભારત-ઓસ્ટ્રેલિયા વચ્ચે ખરાખરીને જંગ જામશે. ત્યારે આજે સાંજે ઓસ્ટ્રેલિયાની ટીમ અમદાવાદ એરપોર્ટ પર આવી પહોંચી હતી. ત્યારે એરપોર્ટથી ઓસ્ટ્રેલિયાની ટીમ હોટલ તાજ સ્કાયલાઈન પહોંચી હતી. તો બીજી તરફ વર્લ્ડ કપ મેચને લઈ ફ્લાઈટ સહિત હોટલનાં ભાવ પણ વધી જવા પામ્યા છે. તો કેટલાક લોકોએ બ્લેકમાં ટિકિટ વહેંચી સારો એવો નફો પણ મેળવી લીધો હતો.
ઓસ્ટ્રેલિયાની ટીમ મોડી સાંજે અમદાવાદ આવી પહોંચી
ગત રોજ સાઉથ આફ્રિકાને હરાવી ઓસ્ટ્રેલિયા વર્લ્ડ કપની ફાઈનલમાં પોતાનું સ્થાન મેળવી લીધું હતું. ત્યારે હવે તા. 19 નાં રોજ વર્લ્ડ કપ જીતવા માટે બંને ટીમો એડીચોટીનું જોર લગાવશે. ત્યારે ઓસ્ટ્રેલિયાની ટીમનાં કેપ્ટન પેટ કમિન્સ, ડેવિડ વોર્નર, મિચેલ માર્શ, સ્ટીવ સ્મિથ, માર્નસ લાબુશેન, ગ્લેન મેક્સવેલ, જોશ ઈગ્લિશ સહિતનાં ખેલાડીઓ અમદાવાદ આવી પહોંચ્યા હતા. ત્યારે ઓસ્ટ્રેલિયાની ટીમ હોટલ પહોંચી ત્યારે હોટલ બહાર પોતાનાં પ્રિય ખેલાડીને જોવા માટે ક્રિકેટ રસિકોમાં અનેરો ઉત્સાહ હતો.
ભારતીય ટીમે આજે સ્ટેડિયમ ખાતે નેટ પ્રેક્ટિસ કરી
બે દિવસ બાદ એટલે કે રવિવારે ભારત અને ઓસ્ટ્રેલિયા વચ્ચે વર્લ્ડકપની ફાઈનલ મેચ રમાવાની છે. આજે ટીમ ઈન્ડિયાએ નરેન્દ્ર મોદી સ્ટેડિયમ ખાતે પ્રેક્ટિસ કરી હતી. ત્યારે ભારતીય ટીમને જોવા માટે પણ હોટલ બહાર લોકોની ભીડ જામી હતી.
.png)
હોટલ બહાર પોલીસને ચુસ્ત બંદોબસ્ત
ભારતીય ટીમ ITC નર્મદામાં રોકાઈ છે. જ્યાં ભારતીય ટીમનાં ખેલાડીઓને જોવા માટે હોટલ બહાર લોકોની ભીડ જોવા મળી રહી હતી. જેને લઈ પોલીસ દ્વારા ચુસ્ત બંદોબસ્ત ગોઠવવામાં આવ્યો હતો.
