- શિવસેના પર અધિકાર મામલો
- ઉદ્ધવ ઠાકરે અને એકનાથ સિંધે વચ્ચે લાંબા સમયથી ચાલતી તાણખેંચનો અંત
- ઉદ્ધવ ઠાકરેના પિતરાઈ ભાઈ રાજ ઠાકરે વીડિયો શેર કર્યો
શિવસેના પર અધિકાર મામલે ઉદ્ધવ ઠાકરે અને એકનાથ સિંધે વચ્ચે લાંબા સમયથી તાણખેંચ ચાલુ હતી. જેના પર આજે વિરામ આવ્યો છે અને ચૂંટણી પંચના આદેશ અનુસાર પાર્ટીનું શિવસેના નામ અને પાર્ટીનું પ્રતીક ધનુષ અને તીર એકનાથ શિંદે જૂથ પાસે રહેશે. આ નિર્ણયને પગલે ઉદ્ધવ ઠાકરે જૂથે તીખી પ્રતિક્રિયા આપી તો બીજી બાજુ મહારાષ્ટ્રના સીએમ એકનાથ શિંદેએ ચૂંટણી પંચના નિર્ણય મામલે જણાવ્યું કે આ શિવસૈનિકોની વિચારધારાની જીત છે.
ઉદ્ધવ ઠાકરેના પિતરાઈ ભાઈ રાજ ઠાકરે વીડિયો શેર કર્યો
આ મામલે અનેક નેતાઓના નિવેદન સામે આવ્યા છે જેમાં ઉદ્ધવ ઠાકરેના પિતરાઈ ભાઈ રાજ ઠાકરેએ ચૂંટણી પંચના નિર્ણય બાદ તેઓએ બાલાસાહેબ ઠાકરેનો ઓડિયો શેર કર્યો હતો. જેમાં તેઓ કહી રહ્યા છે કે પૈસા ખોવાઈ જશે તો ફરી કમાવાઈ જશે. પરંતુ જો નામ જશે તો ક્યારેય પાછું નહીં આવે.તેથી જ નામ મોટું કરો નામ જ બધું છે. મનસેના પ્રમુખ રાજ ઠાકરેએ ઓડિયોને ટ્વીટ કરીને જણાવ્યું હતું કે બાલસાહેબ દ્વારા આપવામાં આવેલ શિવસેનાનો વિચાર કેટલો સાચો હતો જે આજે ફરી એકવાર જાણીએ છીએ. મહત્વનું છે કે ભાઈ ઉદ્ભવ પાસેથી શિવસેનાનું ચિહ્નન છીનવાયા બાદ રાજ ઠાકરેએ આ ઓડિયો ટ્વીટ કર્યો હતો.
ઠાકરે જૂથે લોકશાહીની હત્યા ગણાવી હતી
ઠાકરે જૂથના નેતાઓએ આ મામલે તીખી પ્રતિક્રિયા આપી હતી.આ આદેશને પગલે શિવસેના (ઠાકરે જૂથ)એ વિરોધ નોંધાવ્યો હતો. આ મામલે સાંસદ સંજય રાઉતે હુંકાર કરતા જણાવ્યું હતું કે અમે નવા પ્રતીક સાથે જનતાની વચ્ચે જઈશું અને નવી શિવસેનાની સ્થાપના કરવાનો દાવો કર્યો હતો. તેમણે કહ્યું કે આ લોકશાહીની હત્યા છે. અમે કાયદાકીય લડત આપીશું. તમે ચિહ્ન હડપ્યું છે, વિચાર કઈ રીતે છીનવશો. જો ધનુષ બાણ રામની જગ્યાએ રાવણને મળે તો તેનો અર્થ શું છે? તેનો અર્થ છે અસત્યમેવ જયતે...તો બીજી બાજુ ઉદ્ધવ ઠાકરે જૂથના પ્રવક્તા આનંદ દુબેએ આરોપ લાગવતા જણાવ્યું હતું કે ચૂંટણી પંચ ભાજપનું એજન્ટ છે અને જે ભાજપ માટે કામ કરતું હોવાનો દાવો કર્યો હતો.
એકનાથ શિંદેએ કહ્યું કે
બીજી બાજુ મહારાષ્ટ્રના સીએમ એકનાથ શિંદેએ ચૂંટણી પંચના નિર્ણય મામલે જણાવ્યું કે આ અમારા કાર્યકરો, સાંસદો, ધારાસભ્યો, જનપ્રતિનિધિઓ અને લાખો શિવસૈનિકોની સાથે આ બાલાસાહેબ અને આનંદ દિઘેની વિચારધારાની જીત છે. આ લોકશાહીની જીત છે.મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસએ કહ્યું કે સીએમ એકનાથ શિંદેની શિવસેનાને શિવસેનાનું પ્રતીક અને નામ મળી ગયું છે. જેથી હવે અસલી શિવસેના એકનાથ શિંદેની શિવસેના બની ગઈ છે અને અમને વિશ્વાસ હતો.
