- સુરતના પૂર્વ મેયર ઝાંઝમેરા કોરોના સંક્રમિત
- અગાઉ ધારાસભ્ય,ડે.મેયર પણ થયા સંક્રમિત
- સુરતમાં કોરોના-ઓમિક્રોનથી ફેલાયો ફફડાટ
ગુજરાત ભાજપના વધુ એક નેતાનો કોરોના રીપોર્ટ પોઝિટીવ આવ્યો છે. જેમાં સુરત શહેર ભાજપ પ્રમુખ નિરંજન ઝાંઝમેરાનો કોરોના રીપોર્ટ પોઝિટિવ આવ્યો છે. શહેર પ્રમુખ ઝાંઝમેરા ભાજપ દ્વારા આયોજીત અનેક કાર્યક્રમમોમાં ઉપસ્થિત રહ્યા હતા. તમને જણાવી દઈએ કે, હાલમાં જ સુરત જિલ્લા ભાજપ પ્રમુખનો કોરોના રીપોર્ટ પોઝિટિવ આવ્યો હતો. આ સીવાય સુરતની ચૌર્યાસી સીટના ધારાસભ્ય ઝંખના પટેલ, શહેરના મહામંત્રી પણ કોરોનાથી સંક્રમિત થયા છે. ભાજપના આ તમામ નેતાઓ અનેક કાર્યક્રમોમાં ઉપસ્થિત રહ્યા હતા. જેથી હાલ તેઓનો કોરોના રીપોર્ટ પોઝિટિવ આવતા તમામ હોમ આઈસોલેટ થયા છે. ઉલ્લેખનીય છે કે, નિરંજન ઝાંઝમેરા અગાઉ સુરતના મેયર પણ રહી ચુક્યા છે.
રાજ્યમાં કોરોનાના કેસો વધી રહ્યાં છે. ત્યારે સુરતમાં પણ કોરોના માથું ઉચકી રહ્યો છે. અહીં કોરોના કેસોમાં વધારો થતો જોવા મળી રહ્યો છે. જેમ જેમ કોરોના કેસોમાં સતત વધી રહ્યાં છે. તેમ તેમ માઈક્રો કન્ટેનમેન્ટ ઝોનમાં પણ વધારો જોવા મળી રહ્યો છે. સુરત શહેરમાં ત્યાર સુધી 143થી વધુ સ્થળોને માઈક્રો કન્ટેનમેન્ટ ઝોન જાહે કરી ચુક્યું છે.
એક્ટિવ કેસોની સંખ્યા વધીને 260 પર
સુરતની વાત કરીએ તો અહીં સુરતીઓની મોજ અને બેદરકારી સ્પષ્ટ જોવા મળી રહી છે. સુરતમાં કોરોના કેસોની વાત કરીએતો અત્યાર સુધીમાં સુરતમાં એક્ટિવ કેસોની સંખ્યા વધીને 260 પર પહોંચી જવા પામી છે. જ્યારે શહેરમાં શરદી-ખાંસીના કેસોમાં પણ વધારો જોવા મળી રહ્યો છે. બીજી તરફ સુરતમાં માઈક્રો કન્ટેમેન્ટ ઝોનમાં નિયમોના પાલનને લઈને આરોગ્ય વિભાગની ટીમો પણ હરકતમાં આવી છે. અને આરોગ્ય વિભાગની ટીમ દ્વારા આ ખાસ વિસ્તારોમાં આકસ્મિક રાઉન્ડ લેવામાં આવે છે. અને નિયમોના પાલનને લઈને તપાસ કરવામાં આવી રહી છે
