કોરોના વાયરસ / પોલેન્ડમાં ફસાયેલાં જામનગરના યુવાને VTVને કહ્યું, ‘મદદ કરો, અમારે કોઈ પણ રીતે ભારત આવવું છે’

• કોરોનાના કહેર વચ્ચે ગુજરાતીઓ ફસાયા
• પોલેન્ડમાં અભ્યાસ કરતા જામનગરના વિદ્યાર્થીઓએ મદદની ગુહાર લગાવી
• અમારી મદદ કરો અમારે ભારત આવવું છેઃ વિદ્યાર્થીઓ

જામનગરના યુવાન કેવલ વસરાએ VTV સાથે વાત કરતાં જણાવ્યું કે, અમે ઓપેલ યુનિવર્સિટીમાં અભ્યાસ કરીએ છીએ. પોલેન્ડ સરકારની ગાઈડલાઈન બાદ યુનિવર્સિટીએ લોકડાઉન કર્યું છે અને અમે ભારત આવવા નીકળ્યા. LOT અર્થાત્ પોલેન્ડ એર લાઈન્સની ટિકિટો લીધી પણ એરલાઈન્સ લઈ જવા તૈયાર નથી તેઓ બહાનું બતાવે છે કે ભારત સરકારે ના પાડી છે.   

અમે ત્રણ દિવસથી ઓપેલ છોડી વોર્સો (પોલેન્ડના કેપિટલ)માં આવી ગયા છે.  અહીં વોર્સો એરપોર્ટ પર ત્રણ દિવસથી ભુખ્યા બેઠા છીએ. એરલાઈન્સ લઈ જવા તૈયાર નથી. રૂપિયા 17હજારમાં મળતી ટિકિટ અત્યારે 80 હજારમાં મળી રહી છે. અમે 23 ગુજરાતી વિદ્યાર્થીઓ અહીં ફસાયા છીએ. એમ્બેસી અને ભારત વિદેશ મંત્રાલય સંપર્કમાં છે પણ કોઈ સોલ્યુશન આવી રહ્યું નથી. અમે PM, વિદેશમંત્રી બધાને ટેગ કરી મદદ માંગી છે પરંતુ હજુ સુધી કોઈ પણ મદદે આવ્યું નથી.

અમે 23 ગુજરાતી વિદ્યાર્થીઓ ફસાયાં છીએ જેમાં અમદાવાદ, સુરત, રાજકોટ, ભરૂચ, બરોડાના વિદ્યાર્થીઓ છે. અમે 2 વર્ષ પહેલાં એન્જિનિયરીંગ કરવા અહીંયા આવ્યા હતા. ભારતીય એમ્બસીને કેટલી બધી વખત વિનંતી કરી કે અમારે ભારત જવું છે પરંતુ હજુ સુધી કોઈ જવાબ નથી મળી રહ્યો. અમારી VTVને વિનંતી છે કે અમારી વાત સરકાર સુધી પહોંચાડે જેથી ઝડપથી ભારત આવી શકીએ.
 

 

 

 

 

View this post on Instagram

 

 

 

 

 

 

 

 

 

પોલેન્ડ એરપોર્ટ પર 3 દિવસથી 23 ગુજરાતીઓ સહિત 53 ભુખ્યા તરસ્યા વતન આવવા વલખી રહ્યા છે કોરોના વાયરસને પગલે 23 ગુજરાતી વિદ્યાર્થીઓ પોલેન્ડના એરપોર્ટ ઉપર અટવાયા છે. પોલેન્ડમાં Warsaw Frederic Chopin એરપોર્ટ ઉપર 53 ભારતીયો છેલ્લા 3 દિવસથી ભુખ્યા તરસ્યા ભારત આવવા માટે રાહ જોઈને બેસી રહ્યા છે. #coronavirusindia #COVID19 #coronavirus #CoronaVirusUpdate #CoronaVirusUpdates #coronavirusinindia #corona

A post shared by VTV Gujarati News and Beyond (@vtv_gujarati_news) on Mar 18, 2020 at 4:09am PDT