વિવાદ / લોકોને ગાળો આપીને ફેમસ થયેલા શખ્સની બિગ-બૉસમાં ઍન્ટ્રી

• સોશિયલ મીડિયા પર બીભત્સ ગાળો બોલતો વિડીયો 
• ભારત-પાકિસ્તાનના મુદ્દે લોકોને ગાળો દઈ પોપ્યુલર યુટ્યુબર બન્યો 
• બીગ બોસમાં થઇ વાઈલ્ડ કાર્ડ એન્ટ્રી 

પોતાને દેશભક્ત બતાવે છે હિન્દુસ્તાની ભાઉ 

હિન્દુસ્તાની ભાઉ ઈન્ટરનેટ પર ઘણા લોકો વિરુદ્ધ દેશની ભક્તિના નામે ગાળો દેતો વિડીયો બનાવી વાયરલ કરે છે. વિકાસ પાઠક આ શોમાં તીખા તેવર દેખાડતો નજરે ચડે તો નવાઈની વાત નથી 

કોણ છે હિન્દુસાતની ભાઉ 

હિન્દુસ્તાની ભાઉનું અસલી નામ વિકાસ જયરામ પાઠક છે. ભારતના પોપ્યુલર યુટ્યુબર છે. જો કોન્ટેન્ટ ભડકાઉ હોય અને વિવાદિત હોય તો સોશિયલ મીડિયામાં કોઈને પણ પોપ્યુલર બનાવી શકે છે. આ જ રીતે હિન્દુસ્તાની ભાઉ પણ દેશભરમાં સોશિયલ મીડિયામાં ખુબ પોપ્યુલર બની ગયો છે. 

લોકોને આપે છે બીભત્સ ગાળો 

યુટ્યુબ અને અન્ય સોશિયલ મીદુયા પ્લેટફોર્મ પર હિન્દુસ્તાની ભાઉ વિડીયો પોસ્ટ કરીને લોકોને બીભત્સ ગાળો આપે છે અને જોતજોતામાં આ વિડીયો સોશિયલ મીડિયામાં વાયરલ થઇ જાય છે. મોટે ભાગે તે ભારત અને પાકિસ્તાન મુદ્દા પર ભડકાઉ નિવેદનો કરીને સોશિયલ મીડિયામાં વાયરલ થઇ જાય છે. રાષ્ટ્રભક્તિના નામે તે પોતાની દુકાન આમ જ ચલાવે છે અને પોતાને કટ્ટર દેશભક્ત ગણાવે છે. 

જો તમે એક વાર હિન્દુસ્તાની ભાઉનો વિડીયો જુઓ તો તે તમને હચમચાવી મુકશે.જે કોઈ પણ વ્યક્તિ ગાળો બોલવા ટેવાયેલો નથી તે હિન્દુસ્તાની ભાઉના વિડીયો જોઇને અચંભામાં મુકાઈ શકે છે. તે અમર્યાદિત ભાષાનો ઉપયોગ કરી લોકોને ભદ્દી ગાળો આપે છે. 

સોશિયલ મીડિયામાં ટ્રોલ થયું બીગ બોસ 

ઘણા લોકો આવા બીભત્સ વિડીયોને પણ એન્જોય કરે છે. એવામાં જ્યારે તે બીગ બોસમાં એન્ટ્રી મી રહ્યો છે ત્યારે સોશિયલ મીડિયામાં ચર્ચાનો વિષય બની ગયો છે. ટ્રોલર્સ બીગ બોસના મેકર્સ પર સવાલ ઉઠાવી રહ્યા છે. લોકોનું કહેવું છે કે હિન્દુસ્તાની ભાઉને શોમાં લાઈને શો વિવાદોમાં તો રહી શકશે પરંતુ શોની વેલ્યુ જરૂર ઘટી જવાની છે. 

લાંબા સંઘર્ષ બાદ હિન્દુસ્તાની ભાઉ પાસે પોતાનો બંગલો અને ગાડી 

હિન્દુસ્તાની ભાઉનો ફેમસ ડાયલોગ છે પહેલી ફુરસત મેં નિકલ. મહારાષ્ટ્રમાં જન્મેલા હિન્દુસ્તાની ભાઉએ આર્થિક તંગીના કારણે સાતમાં ધોરણ પછી શિક્ષણ છોડી દીધું હતું. તેણે ઘરખર્ચ માટે લોકોના ઘરે કચરા-પોતું અને વાસણ ઘસવાનું કામ કરેલું છે અને સાડીની દુકાન તથા ગેરેજમાં પણ નોકરી કરી ચુકેલો છે.

લાંબા સંઘર્ષ બાદ હિન્દુસ્તાની ભાઉ પાસે પોતાનો બંગલો, ગાડી અને ઘણી પ્રોપર્ટી પણ છે. તે સંજય દત્તનો ખુબ મોટો ફેન છે. ટેટૂના શોખીન હિન્દુસ્તાની ભાઉએ પોતાના હાથ પર પોતાના પર છોકરાના નામનું ટેટૂ બનાવેલું છે.