વિચારણા / તો ફાંસી નહીં, કોઈ બીજી રીતે અપાશે મોતની સજા...! સુપ્રીમ કોર્ટમાં કેન્દ્રએ જુઓ શું કહ્યું

• દેશમાં મૃત્યુ દંડની સજામાં ફેરફાર કરવા વિચારણા
• નિષ્ણાંત સમિતિની રચના કરવામાં આવશે
• મૃત્યુની ઓછી પીડાદાયક પદ્ધતિ પર વિચારવા કરાઈ હતી અરજી

દેશમાં મૃત્યુ દંડમાં ફેરફાર કરવામાં આવે તેવા સંજોગો વર્તાઈ રહ્યા છે. મંગળવારે સુપ્રીમ કોર્ટમાં કેન્દ્ર સરકારે ફાંસીની સજાને લઈ અને મોટું નિવેદન આપ્યું હતું. ફાંસીની સજાને મૃત્યુ દંડમાં ફેરફાર કરવા માટે વિચારણા ચાલી રહી હોવાનું કેન્દ્ર સરકારે જણાવ્યું હતું અને આ માટે નિષ્ણાંત સમિતિની રચના કરવામાં આવે તેવો પણ દાવો કર્યો હતો. આ સમિતિ મૃત્યુ દંડ આપવાની હાલની પદ્ધતિઓની તપાસ કરશે.

એટર્ની જનરલ આર વેંકટરામાણીએ કોર્ટમા નિવેદન આપ્યું હતું કે પ્રસ્તાવિત પેનલ માટે નામો નક્કી કરવાની પ્રક્રિયા ચાલી રહી છે. જે ટૂંક સમયમાં પૂર્ણ થશે. ત્યારબાદ થોડા સમય પછી આ મુદ્દે વધુ વિગત આપવામાં આવશે. જેને લઈને ચીફ જસ્ટિસ ડી.વાય. ચંદ્રચુડ અને જસ્ટિસ જેબી પારડીવાલાની બેન્ચે  આ રજૂઆતની નોંધ લીધી હતી. આ મામલે ખંડપીઠે કહ્યું, "એટર્ની જનરલે સમિતિની નિમણૂકો પર વિચાર કરવાનું કહ્યું હતી. જેને પગલે ઉનાળાના વેકેશન દરમિયાન તેની સુનાવણી માટે નિશ્ચિત તારીખ નાક્કી કરવામાં આવશે.

21 માર્ચના રોજ નિવેદનમાં જણાવ્યું હતું કે...

નોંધનીય છે કે સુપ્રીમ કોર્ટે 21 માર્ચના રોજ નિવેદનમાં જણાવ્યું હતું કે તે ફાંસી દ્વારા મૃત્યુદંડ આપવાની બાબત પર વિચારણા ચાલી રહી છે. કોર્ટે કેન્દ્રને ફાંસીની સજાની અલગ-અલગ પદ્ધતિઓ પર વધુ સારી માહિતી આપવાની માંગ કરી હતી. આ કેસમાં એડવોકેટ ઋષિ મલ્હોત્રાએ 2017માં જાહેર હિતની અરજી કરી મૃત્યુદંડની સજાને બદલે મૃત્યુની ઓછી પીડાદાયક પદ્ધતિ પર વિચાર કરવો આવશ્યક બન્યો છે.