- મુખ્યમંત્રી ભૂપેન્દ્ર પટેલની દિલ્હીની મુલાકાત
- વડાપ્રધાન નરેન્દ્ર મોદી સાથે CM ભૂપેન્દ્ર પટેલે મુલાકાત કરી
- સીએમ ભૂપેન્દ્ર પટેલે રાષ્ટ્રપતિ દ્રૌપદી મૂર્મુ સાથે કરી શુભેચ્છા મુલાકાત
મુખ્યમંત્રી ભૂપેન્દ્ર પટેલ દિલ્હીના પ્રવાસે છે તેમણે નવી દિલ્હી ખાતે વડાપ્રધાન નરેન્દ્ર મોદી સાથે મુલાકાત કરી છે તેમજ વિકાસલક્ષી આયોજનો અંગે માર્ગદર્શન મેળવ્યું છે. તેમજ કેન્દ્રીય ગૃહ-સહકાર મંત્રી અને ગાંધીનગર લોકસભાના સાંસદ અમિત શાહ અને કેન્દ્રીય રક્ષા મંત્રી રાજનાથસિંહ સાથે પણ મુલાકાત કરી છે. સીએમ ભૂપેન્દ્ર પટેલે રાષ્ટ્રપતિ દ્રૌપદી મૂર્મુ સાથે અને ઉપરાષ્ટ્રપતિશ્રી જગદીપ ધનખડે સાથે પણ મુલાકાત કરી છે.
વડાપ્રધાન નરેન્દ્રભાઈ મોદી સાથે મુખ્યમંત્રી ભૂપેન્દ્ર પટેલે મુલાકાત કરી
કેન્દ્રીય ગૃહ-સહકાર મંત્રી અને ગાંધીનગર લોકસભાના સાંસદ અમિત શાહ સાથે શુભેચ્છા મુલાકાત
કેન્દ્રીય રક્ષા મંત્રી રાજનાથસિંહ સાથે પણ મુખ્યમંત્રી ભૂપેન્દ્ર પટેલે કરી શુભેચ્છા મુલાકાત
સીએમ ભૂપેન્દ્ર પટેલે રાષ્ટ્રપતિ દ્રૌપદી મૂર્મુ સાથે કરી શુભેચ્છા મુલાકાત
ઉપરાષ્ટ્રપતિ જગદીપ ધનખડે સાથે પણ મુલાકાત કરી
ગુરુવારે ગાંધીનગર ખાતે કેબિનેટની બેઠક
PM મોદીના નિવાસસ્થાને ડિનરનું આયોજન કરવામાં આવ્યું હતું. જેમાં મુખ્યમંત્રી ભૂપેન્દ્ર પટેલને પણ આમંત્રણ આપવામાં આવ્યું હતું. મુખ્યમંત્રી ભૂપેન્દ્ર પટેલ ગઈકાલે સાંજે 5 વાગે દિલ્હી જવા રવાના થયા હતા. મળતી માહિતી અનુસાર, સીએમ ભૂપેન્દ્ર પટેલના દિલ્હી પ્રવાસને લઈને આજની કેબિનેટની બેઠક રદ્દ કરવામાં આવી છે. આવતીકાલે એટલે કે ગુરુવારે ગાંધીનગર ખાતે કેબિનેટની બેઠક મળશે.
આવતીકાલે CMનો ‘સ્વાગત’ કાર્યક્રમ
વડાપ્રધાન નરેન્દ્ર મોદીએ નાગરિકોના પ્રશ્નો-રજૂઆતોના ટેકનોલોજીના માધ્યમથી નિવારણ માટે શરૂ કરેલા 'સ્વાગત' - સ્ટેટ વાઈડ અટેન્શન ઓન ગ્રીવન્સીસ થ્રૂ એપ્લિકેશન ઓફ ટેકનોલોજીની પરંપરાને મુખ્યમંત્રી ભૂપેન્દ્ર પટેલે પણ સફળતાપૂર્વક આગળ ધપાવી છે. આ સંદર્ભમાં મુખ્યમંત્રી ગુરુવારે તા 22મી ડિસેમ્બરે બપોરે ૩ કલાકે મુખ્યમંત્રીના જનસંપર્ક કક્ષ,સ્વર્ણિમ સંકુલ-2 ખાતે યોજાનારા રાજ્ય 'સ્વાગત' કાર્યક્રમમાં ઉપસ્થિત રહીને નાગરિકો-પ્રજાજનોની રજૂઆતો સાંભળશે. મુખ્યમંત્રી ભૂપેન્દ્ર પટેલ આગામી ગુરુવારે રાજ્ય ‘સ્વાગત’માં પ્રજાજનોની રજૂઆતો સાંભળશે, નવી સરકારનો પ્રથમ ‘સ્વાગત’ કાર્યક્રમ ગુરુવારે 22મી ડિસેમ્બરે ગાંધીનગરમાં યોજાશે
