- પંચાયત સેવાના વર્ગ-3, 4ના કર્મચારીઓની આંતર જિલ્લા ફેરબદલી થશે
- પ્રથમવાર ઓનલાઇન-ફેસલેસ-પેપરલેસ અને ટ્રાન્સપેરન્ટ જિલ્લા ફેરબદલી પ્રક્રિયા
- 1179 કર્મચારીઓની ઇન્ટર ડીસ્ટ્રીક્ટ ટ્રાન્સફર્સને મુખ્યમંત્રીની મંજૂરીની મહોર
- 15 ઓક્ટોબર સુધીમાં તલાટી કમ મંત્રીની 3437 જગ્યાઓ પર ઉમેદવારોની નિમણુંક કરાશે
- જુનિયર ક્લાર્કની 1181, ગ્રામસેવકની 81 જગ્યાઓ પર ઉમેદવારોની નિમણુંક કરાશે
રાજ્યમાં પંચાયત સેવાના વર્ગ-3, 4ના કર્મચારીઓની આંતર જિલ્લા ફેરબદલીને લઈ મોટા સમાચાર સામે આવ્યા છે. રાજ્યમાં પ્રથમવાર ઓનલાઇન-ફેસલેસ-પેપરલેસ અને ટ્રાન્સપેરન્ટ જિલ્લા ફેરબદલી પ્રક્રિયા હાથ ધરવામાં આવશે. જેને લઈ હવે પંચાયત સેવાના વર્ગ-3, 4ના કર્મચારીઓની આંતર જિલ્લા ફેરબદલી થશે.
ગુજરાતમાં પંચાયત સેવાના વર્ગ-3, 4ના કર્મચારીઓની આંતર જિલ્લા ફેરબદલીને લઈ મોટી અપડેટ સામે આવી છે. ગુજરાતમાં સૌપ્રથમવાર ઓનલાઇન-ફેસલેસ-પેપરલેસ અને ટ્રાન્સપેરન્ટ જિલ્લા ફેરબદલી પ્રક્રિયા થશે. જેને લઈ હવે 1179 કર્મચારીઓની ઇન્ટર ડીસ્ટ્રીક્ટ ટ્રાન્સફર્સને મુખ્યમંત્રીની મંજૂરીની મહોર લાગી ગઈ છે.
પંચાયત સંવર્ગની વિવિધ 22 કેડરને મળશે લાભ
ગુજરાત પંચાયત સેવાના વર્ગ-3, 4ના કર્મચારીઓની આંતર જિલ્લા ફેરબદલીનો લાભ પંચાયત સંવર્ગની વિવિધ 22 કેડરને મળશે. મહત્વનું છે કે, ખાલી પડનારી જગ્યાઓનું સંતુલન જાળવવા પંચાયત વિભાગ દ્વારા સુદ્રઢ આયોજન કરવામાં આવ્યું છે. આ સાથે 15 ઓક્ટોબર સુધીમાં તલાટી કમ મંત્રીની 3437 જગ્યાઓ પર ઉમેદવારોની નિમણુંક કરાશે. આ સાથે જુનિયર ક્લાર્કની 1181, ગ્રામસેવકની 81 જગ્યાઓ પર ઉમેદવારોની નિમણુંક કરાશે.
