- સિગારેટની કુટેવમાંથી બહાર આવવું મુશ્કેલ
- 60 થી 75 ટકા લોકો સિગારેટ છોડવા અંગે નિણર્ય લીધા બાદ ફરી શરૂ કરે છે
- સિગારેટ છોડવાના બે રસ્તા
સિગારેટની કુટેવ એટલી ભયંકર હોય છે કે આ દૂષણમાંથી બહાર આવવું ખૂબ જ મુશ્કેલ બની જાય છે. ત્યારે સિગારેટ છોડવી આવી મુશ્કેલ કેમ હોય છે? તે મામલે વૈજ્ઞાનિકો દ્વારા અલગ અલગ રિસર્ચમાં સવાલના જવાબ આપી સમજાવવાની કોશિશ કરવામાં આવી છે. જેમાં ઓસ્ટ્રેલિયામાં એક રિસર્ચ કરવામાં આવ્યું હતું જેમાં કહેવાયું છે કે 60 થી 75 ટકા લોકો સિગારેટ છોડવા અંગે સૌપ્રથમ નિણર્ય લીધા બાદ 6 માસના સમયગાળામાં ફરી સિગારેટ પીવાનું શરૂ કરી દેતા હોય છે જેને લઈને આવી કુટેવોમાથી તે બહાર આવી શકતા નથી.
વ્યસન પાછળ વૈજ્ઞાનિક ફંડા
સિગારેટના વ્યસન પાછળ વૈજ્ઞાનિક ફંડાની વાત કરવામાં આવે તો કોઈ બંધાણી જ્યારે સિગારેટ પીવે છે ત્યારે સિગારેટમાં રહેલ તમાકુ બળે છે અને તે નિકોટીન છોડે છે. જે નિકોટીન બંધાણીના લોહી મારફતે ફેફસામાં પહોંચે છે અને મગજમાં હાજર રહેલા નિકોટીનીક એસિટીલકોલાઈન રિસેપ્ટને જાગૃત કરે છે. જે સક્રિય થયેલ ન્યુરોટ્રાન્સમીટર ડોપામાઇનને મુક્ત કરે છે. જેની અસર મગજ પર પડતી હોવાથી આ ડોપામાઇન ધીમે ધીમે સિગારેટનું વ્યસન વધારે છે. કારણ કે જ્યારે ડોપામાઇન શરીરમાંથી બહાર આવે છે તે ક્ષણ આનંદદાયક હોવાથી લોકોને વારંવાર આવું કરવાનુ મન થાય છે પરિણામે સિગારેટનું વ્યસન થવા લાગે છે.
આવો છે વૈજ્ઞાનિકનો દાવો
એક વખત સિગારેટની લત લાગ્યા બાદ ફરી તેમાંથી બહાર આવવુ મુશ્કેલ બની જતું હોય છે. કારણ કે જ્યારે સિગારેટના વ્યસની સિગારેટ ન પીવે તો તેઓને ડોપામાઇન છોડવાની એ આનંદદાયક ક્ષણ અનુભવાતી નથી પરિણામે તે આનંદ ફરી મેળવવા તે નાછૂટકે પણ વ્યસન તરફ આકર્ષાય છે. પરિણામે સિગારેટ છોડવી મુશ્કેલ બની જાય છે. ડબલ્યુએચઓના જણાવ્યા અનુસાર મોત માટે ઘણા કારણો જવાબદાર છે. જેમાંથી ધુમ્રપાનએ મુખ્ય કારણ છે. આંકડા અનુઆર વિશ્વભરમાં ૧૪ ટકા લોકો ધૂમ્રપાન અને ધુમ્રપાન સંબંધી રોગોને પરિણામે મોતના ખપ્પરમાં હોમાઈ છે.વૈજ્ઞાનિકોના દાવા અનુસાર સિગારેટ છોડવા માટે હિંમત સાથે દ્રઢ મનોબળથી વ્યસન છોડી શકાય છે. તો એવી ઘણી પદ્ધતિઓ પણ છે. જેનાથી નિકોટીન લેવાની ઈચ્છા ઘટાડી શકાય છે.
