દેશનું ગૌરવ / જે શહેરમાં 40 વર્ષ કચરો ઉઠાવ્યો, ત્યાં જ બની ગયા ડેપ્યુટી મેયર: ભાવુક કરી દેશે મહિલાનો સંઘર્ષ

• 40 વર્ષોથી સફાઈ કરનારી મહિલા બની ડેપ્યૂટી મેયર
• ચિંતા દેવીએ બિહારનાં ગયાં શહેરનું દિલ જીત્યું
• 16000 વોટોથી શાનદાર જીત મેળવી

સિદ્ધિ તેને જઈ વરે જે પરસેવે ન્હાય... આ કહેવત સાચી થઈ છે, ચિંતા દેવી નામક મહિલાએ ગયામાં ચાલીસ વર્ષ સુધી કચરો ઉપાડ્યો અને આજે તેઓ એ જ શહેરમાં બની ગયા છે ડેપ્યુટી મેયર. મહિલાની આ સંઘર્ષની કહાની જાણીને દેશની અનેક મહિલાઓને ગર્વ થશે. આ વાત છે ચિંતા દેવીની છે જેમણે વર્ષો સુધી જે શહેરમાં સફાઈનું કામ કર્યું તેઓ બિહારનાં ગયાની ડેપ્યૂટી મેયર બની છે.

40 વર્ષો સુધી લગાવ્યો છે ઝાડૂ
ચિંતાદેવીએ વર્ષો સુધી કચરો ઉપાડવાનું કામ કર્યું, અને પછી જીવનમાં નવો વળાંક આવ્યો, નગર નિગમની ચૂંટણીમાં પોતાની જીત નોંધાવી અને ડેપ્યુટી મેયર બની ગયા. ચૂંટણી મેદાનમાં ચિંતા દેવીએ 16 હજાર વોટથી વિરોધીને હરાવ્યા અને આખા શહેરમાં નામની ચર્ચા થવા લાગી. નોંધનીય છે કે જ્યારે શપથ લેવાનો વારો આવ્યો ત્યારે તેઓ સરખું વાંચી નહોતા શકતા, બાદમાં DMએ કહ્યું હું જેમ જેમ બોલું તમે એ રિપીટ કરો, તે બાદ શપથ પૂરા થયા. ઢોલ નગારા સાથે તેમનું સ્વાગત કરવામાં આવ્યો અને હજારોની સંખ્યામાં લોકો ભેગા થયા. 

Breaking stereotypes & inspiring change! 💪

From a sanitation worker to Deputy Mayor, the story of Chinta Devi from #AspirationalDistrict Gaya, Bihar is a testament to the spirit of #NariShakti.

Get inspired & inspire ⤵️https://t.co/SJ2fXxIj2q

— NITI Aayog (@NITIAayog) January 11, 2023

'દલિત મહિલા લોકસભામાં...'
ગયાના નવા મેયર ગણેશ પાસવાને કહ્યું કે ગયામાં એક દલિત મહિલા લોકસભામાં જઈ શકે છે, આ વખતે ચિંતા દેવીએ દુનિયા માટે એક મિસાલ કાયમ કરી છે. ચિંતા દેવીને વોટ આપીને લોકોએ સાબિત કરી દીધું છે કે જનતા રૂઢિવાદને દૂર કરીને શહેરને સારી રીતે ચલાવવા માંગે છે.

16000 વોટથી મેળવી જીત
ચિંતા દેવી જ્યારે ચૂંટણીનાં મેદાનમાં ઊતરી ત્યારે તેમને શહેરનાં લોકો તરફથી અઢળક પ્રેમ મળ્યો હતો. તેમને 16000 વોટોથી જીત મેળવી છે. ચિંતા દેવી શહેરનાં વિકાસનાં વિષે વાત કરતાં જણાવે છે કે પર્યટનનાં એક પૉઈન્ટ ઓફ વ્યૂથી હવે તેનો વિકાસ કરવામાં આવશે. તમામ નગરવાસીઓને કોઈ સમસ્યા આવવા નહીં દઈએ.