હેરાની / દુલ્હન નીકળી દુલ્હાની બહેન, સાસુએ આવી રીતે ખોલ્યું રહસ્ય, છતાં પણ લગ્ન થયા, અજીબ કાંડ

ચીનના સુઝોઉ શહેરમાં એક લગ્નના ફોટા વાયરલ થઈ રહ્યા છે. જ્યાં પરિવાર એકબીજાને ગળે લગાવીને રડતો જોવા મળી રહ્યો છે. હવે આ લગ્ન ફરી ચર્ચાનો વિષય બની ગયા છે. પરંતુ તેનું કારણ ન તો દુલ્હનનો લહેંગા હતો કે ન તો લગ્નની સજાવટ, પરંતુ એક સત્ય જેણે આ લગ્નને ભાવનાત્મક ક્ષણમાં ફેરવી દીધા. કલ્પના કરો કે જ્યારે કોઈ માતા અચાનક તેના દીકરાના લગ્નના દિવસે તેની ખોવાયેલી દીકરીને શોધી કાઢે છે, તે પણ પુત્રવધૂ તરીકે? આ લગ્નમાં પણ કંઈક આવું જ બન્યું. કલ્પના કરો, આ છતાં, ભાઈ અને બહેન બંનેના લગ્ન થઈ ગયા.

એક ચિન્હે ખોલ્યું રહસ્ય

દુલ્હનના શરીર પર રહેલા એક ચિન્હે આ રહસ્ય ખોલી નાખ્યું હતું જેને સાસુએ પકડી પાડ્યું હતું. લગ્નની વિધિઓ ચાલી રહી હતી. બધા ખુશ હતા. પણ પછી વરરાજાની માતાએ કન્યાના હાથ પર એક ખાસ નિશાન જોયું. તે એ જ જન્મ ચિહ્ન હતું જે તેની પુત્રી, જે વર્ષો પહેલા ગુમાવી ચૂકી હતી, તેના હાથ પર હતું. આ નિશાન જોઈને તે રડવા લાગી. તે પોતાને રોકી શકી નહીં અને કન્યાને પૂછ્યું, "શું તને દત્તક લેવાઈ હતી? દુલ્હને હા પાડતાં હાહાકાર મચ્યો હતો.

દુલ્હનના પરિવારે કર્યો ખુલાસો

આ પછી, લગ્નનું વાતાવરણ થોડા સમય માટે બદલાઈ ગયું. જ્યાં આખી સત્ય બહાર આવી. કન્યાના પરિવારે આખી વાર્તા કહી કે તેમને આ છોકરી કેવી રીતે મળી. ખરેખર, તેઓએ નાની ઉંમરે છોકરીને દત્તક લીધી હતી. તેમને કન્યા રસ્તાના કિનારે ત્યજી દેવાયેલી મળી. આ બધું સાંભળીને, વરરાજાની માતાની આંખો આંસુઓથી ભરાઈ ગઈ અને તેનો શંકા હવે વિશ્વાસમાં ફેરવાઈ ગઈ. તેણે રડતા રડતા કહ્યું કે તું મારી દીકરી છે... જે બાળપણમાં ખોવાઈ ગઈ હતી. કન્યાની આંખોમાં પણ આંસુ હતા, તેણે કહ્યું કે તે પણ હંમેશા તેની માતાને શોધતી હતી.

વધુ વાંચો : 'સગાઈ થઈ ગઈ પછી શું'? સાસરે આવેલા યુવાનથી ન રહેવાયું, ગંદી ઓફર કરતાં મંગેતરે ગજબનું કર્યું

ભાઈ-બહેન નીકળ્યાં છતાં પણ થયા લગ્ન

લગ્નવિધિમાં દુલ્હા-દુલ્હન ભાઈ-બહેન નીકળ્યાં છતાં પણ બન્નેના લગ્ન થયા હતા. હવે પ્રશ્ન એ ઊભો થાય છે કે જો બંને ભાઈ-બહેન છે, તો તેમના લગ્ન કેવી રીતે થઈ શકે પણ આ કહાનીમાં ત્યારે ટ્વિસ્ટ આવ્યો કે જ્યારે એવી ખબર પડી કે વર પણ દત્તક લેવાયો હતો, આવી સ્થિતિમાં, બંને વચ્ચે કોઈ લોહીનો સંબંધ નથી, તેથી લગ્ન થયા અને પછી સુખદ અંત આવ્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ