છત્તીસગઢ / BIG NEWS : વોટિંગ પહેલા છત્તીસગઢમાં કાંકેરમાં મોટું એન્કાઉન્ટર, 18થી વધુ નકસલીઓ ઠાર

લોકસભા ચૂંટણી પહેલા એક મોટી ખબર સામે આવી છે. છત્તીસગઢના કાંકેર જિલ્લામાં સુરક્ષાદળો સાથેના એન્કાઉન્ટરમાં 18 નકસલીઓ ઠાર થયાં છે.  બીએસએફ અને ડીઆરજી (ડિસ્ટ્રિક્ટ રિઝર્વ ગાર્ડ)ના જવાનો કાંકેરના છોટેબૈઠિયામાં આવેલા કલપરના જંગલમાં નકસલીઓની શોધખોળ માટે પહોંચ્યાં હતા જ્યાં છુપાયેલા નકસલીઓ ફાયરિંગ શરી કરી દેતાં એન્કાઉન્ટર શરુ થયું હતું જોકે પહેલેથી તૈયાર જવાનોએ નકસલીઓને છઠ્ઠીનું ધાવણ યાદ કરાવી દીધું હતું અને મોટાપાયે તેમને જાનમાલને નુકશાન પહોંચાડ્યું હતું. આ લખાઈ રહ્યું છે ત્યાં સુધીમાં 18 નકસલીઓ માર્યાં ગયા છે જેમની બધાના મૃતદેહો પણ કબજે કરી લેવાયાં હતા. આ એન્કાઉન્ટરમાં બીએસએફના એક ઇન્સ્પેક્ટર અને ડીઆરજી જવાન પણ ઘાયલ થયાના અહેવાલ છે. 

Chhattisgarh | Bodies of 18 CPI Maoist cadres who have been neutralised during an encounter in Kanker, have been recovered: BSF

7 nos AK series rifles and 3 nos Light Machine guns have been recovered from the place of occurrence. During the EOF, 1 BSF personnel sustained a… https://t.co/frdqfG4OxL

— ANI (@ANI) April 16, 2024

ટોચનો નક્સલી કમાન્ડર ઠાર
આ એન્કાઉન્ટરમાં માઓવાદી કમાન્ડર શંકર રાવ પણ માર્યો ગયો હતો. અત્યાર સુધીમાં 18 મૃતદેહો મળી આવ્યા છે, તેમજ મોટી સંખ્યામાં ઓટોમેટિક રાઇફલ્સ પણ મળી આવી છે. શંકર રાવને માથે 25 લાખનું ઈનામ હતું. 

કાંકેરમાં 26 એપ્રિલે લોકસભાનું વોટિંગ 
કાંકેરમાં 26 એપ્રિલે એટલે કે બીજા તબક્કામાં મતદાન થવાનું છે. છત્તીસગઢના રાયપુર અને જગદલપુરની વચ્ચે સ્થિત કાંકેર લોકસભા મતવિસ્તારમાં 8 વિધાનસભા બેઠકોનો સમાવેશ થાય છે, જેમાંથી છ બેઠકો અનુસૂચિત જનજાતિ માટે અનામત છે.