તમારા કામનું / તમારી પાસે સોનું અસલી છે કે ભેળસેળીયું? ઘરે બેઠા આ સરળ રીતે ચેક કરો સોનાની શુદ્ધતા

ભારતમાં લગભગ દરેક ઘરમાં કોની કોઈ એક વસ્તુ તો જોવા મળે જ છે. આપણા દેશમાં સોનું સંસ્કૃતિ અને આસ્થા સાથે પણ જોડાયેલું છે. સામાન્ય રીતે 18, 22 અને 24 કેરેટ શુદ્ધતાનું સોનું પ્રચલિત છે. સોનાની શુદ્ધતા અંગે લોકોને ઘણી વાર મનમાં શંકા રહે છે. પરંતુ હવે ભારતમાં વેચાતા સોના અને ચાંદીના દાગીનામાં વપરાતી ધાતુની શુદ્ધતાનું પ્રમાણપત્ર BIS હોલમાર્કને માનવામાં આવે છે. તે દાગીનાની તપાસ કરે છે કે તે બ્યુરો ઓફ ઇન્ડિયન સ્ટાન્ડર્ડ્સ દ્વારા નિર્ધારિત ધોરણોનું પાલન કરે છે કે નહીં. તમે BIS એપ દ્વારા સોનાની શુદ્ધતા વિશે પણ માહિતી મેળવી શકો છો.

માત્ર ભારતમાં જ નહીં, પરંતુ ઘણા દેશોમાં હોલમાર્ક મોંઘી ધાતુઓની શુદ્ધતાની ખાતરી આપે છે. હોલમાર્કિંગ યોજનાનો મુખ્ય ઉદ્દેશ્ય ઉત્પાદકોને શુદ્ધતા સંબંધિત કાયદાકીય આવશ્યકતાઓનું પાલન કરે છે તેની ખાતરી કરવા અને લોકોને છેતરપિંડીથી બચાવવાનો છે. ભારતમાં સોના અને ચાંદીનું હોલમાર્કિંગ કરવામાં આવે છે.

કેવી રીતે તપાસવી સોનાની શુદ્ધતા

તમારા ઘરેણાં પર હોલમાર્ક શોધો. હોલમાર્ક જણાવે છે કે દાગીનામાં કેટલા ટકા સોનાનો ઉપયોગ થાય છે. બ્યુરો ઓફ ઇન્ડિયન સ્ટાન્ડર્ડ્સ (BIS) એ ભારતમાં સોનાના દાગીનાના પ્રમાણપત્ર અને હોલમાર્કિંગ માટે જવાબદાર અધિકૃત એજન્સી છે.

BIS એપથી ચેક કરો સોનાની શુદ્ધતા

હોલમાર્કિંગની પ્રમાણિકતાની તપાસ કરવા માટે, Google Play Store અથવા Apple App Store પરથી BIS CARE એપ્લિકેશન ડાઉનલોડ કરો અને તમારું નામ, ફોન નંબર અને ઇમેઇલનો ઉપયોગ કરીને લોગ ઇન કરો. ઘરેણાંના હોલમાર્કિંગને ચકાસવા માટે, તમારે "verify HUID" સેક્શન પર જવું પડશે. તેના પર ક્લિક કર્યા પછી, તમે એક નવા પેજ પર જશો, જ્યાં તમે તે સોનાના દાગીનાનું HUID ટાઈપ કરી શકો છો. હવે સર્ચ ઓપ્શન પર ક્લિક કરો. હવે તમને સોનાના દાગીનાની તમામ HUID વિગતો દેખાશે. તેમાં ઝવેરીનો રજીસ્ટ્રેશન નંબર, હોલમાર્કિંગ સેન્ટર, AHC રજીસ્ટ્રેશન નંબર, AHC સરનામું, આર્ટિકલ ટાઈપ, હોલમાર્કિંગની તારીખ અને શુદ્ધતા વિશેની માહિતી પણ હશે. તમે કોઈપણ ભારતીય ધોરણો, તેના લાયસન્સ અને ઉત્પાદન માટેની લેબ વિશેની માહિતી માટે 'Know your Standards' પસંદ કરો.

શું હોય છે HUID નંબર?

આ 6 અંકનો કોડ હોય છે, જે અક્ષરો અને સંખ્યાઓથી બનેલો હોય છે. હોલમાર્કિંગ સમયે, દરેક ઘરેણાંને એક યુનિક HUID નંબર આપવામાં આવે છે, જે હોલમાર્કિંગ સેન્ટર દ્વારા ઘરેણાં પર હાથથી બનાવેલી છાપના રૂપમાં લગાવવામાં આવે છે.

કરી શકો છો ફરિયાદ

BIS એપના 'Complaint' ફીચરનો ઉપયોગ કરીને, તમે ખામીયુક્ત અથવા સબ-સ્ટાન્ડર્ડ ક્વોલિટી પ્રોડક્ટ્સ, માર્કનો દુરુપયોગ અથવા ગુણવત્તા વિશે ખોટા વચનો જેવા મુદ્દાઓ પર તમારી ફરિયાદ નોંધાવી શકો છો. BIS એપ કોઈપણ વસ્તુ કે પ્રોડક્ટ પર ISI, હોલમાર્ક અને CRS રજીસ્ટ્રેશન માર્કસની પ્રમાણિકતા ચકાસી શકે છે.

વધુ વાંચો: સોનાના ભાવમાં ધરખમ ઘટાડો, ઓલ ટાઈમ હાઈથી 3300 રૂપિયા થયું સસ્તુ

હોલમાર્ક વગરના ઘરેણાંની તપાસ કેવી રીતે કરવી?

ગ્રાહકો તેમના ઘરેણાં કોઈપણ BIS-માન્યતા ધરાવતા હોલમાર્કિંગ સેન્ટર પર ચેક કરાવી શકે છે. આ કેન્દ્રો ગ્રાહકોની જ્વેલરી અને સેમ્પલના ટેસ્ટ માટે ફી વસૂલ કરે છે. હોલમાર્કિંગ કેન્દ્રો ગ્રાહકોને એક ટેસ્ટ રિપોર્ટ આપે કરે છે, જેમાં પ્રોડક્ટ વિશે સચોટ માહિતી હોય છે.