વિરોધ / છત્તીસગઢમાં પ્રદર્શનકારીઓનો SP પર ખૂની હુમલો, માથામાં થઈ ગંભીર ઈજા, શું છે વિવાદનું મૂળ

• છત્તીસગઢમાં ધર્માંતરણ મુદાને મળ્યો વેગ
• પ્રદર્શનકારીઓએ નારાયણપુરનાં SP પર કર્યો હુમલો
• માથા પર ગંભીર ઈજા થતાં ખસેડાયા હોસ્પિટલ

છત્તીસગઢનાં નારાયણપુરમાં ધર્માંતરણ મામલાને લઇને સમગ્ર આદિવાસી સમાજમાં આક્રોશ જોવા મળી રહ્યો છે. લોકો રસ્તા પર ઊતરીને પોતાનો આક્રોશ વ્યક્ત કરી રહ્યાં છે. પ્રદર્શનકારીઓએ સોમવારે ઘટનાસ્થળ પર પહોંચેલ નારાયણપુરનાં SP સદાનંદ કુમાર પર હુમલો કર્યો છે. આ હુમલામાં તેમના માથા પર ગંભીર ઈજા થઇ છે. તેમને ઈલાજ માટે હોસ્પિટલ પહોંચાડવામાં આવેલ છે.

આ મુદાનાં વિરોધમાં નિકળી રેલી
આ મામલામાં નારાયણપુર જિલ્લાનાં અલગ-અલગ ગામડાઓમાં આક્રોશ ફેલાઇ ગયો છે. આદિવાસી સમાજનાં લોકોએ બજાર સ્થળનાં આ મુદાનાં વિરોધમાં રેલી નિકાળી હતી. તેની જાણકારી મળતાં જ જિલ્લા પોલીસ અને પ્રશાસન એક્શનમાં આવ્યાં.

धर्मांतरण के मामले में पुलिसिया कार्यवाही से नाराज कुछ इस तरह से ग्रामीण महिलाओं ने #कोंडागाँव कोतवाली में पदस्थ सब इंस्पेक्टर पर निकाली अपनी भड़ास, साहब को दौड़ लगाकर बचानी पड़ी अपनी जान..@gyanendrat1 @Ravimiri1 @the_viralvideos #bastar #chattisgarh pic.twitter.com/X4SmJFeVAa

— Ashok Naidu (ABP News) (@Ashok_Naidu_) January 2, 2023

આ છે સમગ્ર મામલો
એડકા પોલીસ સ્ટેશનનાં વિસ્તારનાં ગોર્રા ગામમાં ધર્માંતરણનાં મામલાને લઇને 2 સમુદાયો સામે-સામે આવી ગયાં હતાં. તેના બાદ થોડા સમય સુધી ઘણો વિવાદ થયો અને છેલ્લે મારપીટમાં કેટલાક લોકો ઘાયલ પણ થઇ ગયાં. ઘટનાને લઇને આદિવાસી સમાજે સોમવારે નારાયણપુર બંધનું એલાન કર્યું. નવા વર્ષનાં એક દિવસ પહેલાં આદિવાસી સમાજને ધર્માંતરણનાં મામલા અંગે માહિતી મળી હતી. તેને લઇને સમાજનાં લોકો વિરોધ દર્શાવી રહ્યાં હતાં. આરોપ છે કે આ દરમિયાન અમુક ધર્મનાં લોકોએ તેમની સાથે મારપીટ કરી હતી. જેમાં કેટલાક લોકો ઘાયલ પણ થયાં હતાં.

Chhattisgarh | Some members of the tribal community went to attack a church in Bangalpara area. During the violence, someone attacked me. An investigation will be conducted into the entire incident: SP Narayanpur pic.twitter.com/hNDlWUSqSg

— ANI MP/CG/Rajasthan (@ANI_MP_CG_RJ) January 2, 2023

આદિવાસીઓ કરી રહ્યાં છે પ્રદર્શન
છેલ્લા કેટલાક દિવસોથી આદિવાસી પ્રદર્શનકારીઓ નારાયણપુર જિલ્લામાં પ્રદર્શન કરી રહ્યાં છે. જિલ્લા કલેક્ટર કાર્યાલયની બહાર બેસીને તેમની વિરૂદ્ધમાં કરવામાં આવેલ અત્યાચારો સામે પ્રદર્શન કરી રહ્યાં છે. પ્રદર્શનકારીઓની પ્રશાસન સાથે મારપીટ કરનારાં લોકોની સામે કડક કાર્યવાહી કરવાની માંગ પણ કરવામાં આવી છે.