BIG NEWS / ડ્રાઈવિંગ લાયસન્સ કઢાવવા જતા પહેલાં અમદાવાદીઓ આ જાણી લેજો, નહીં તો થશે ધરમનો ધક્કો

• પાકા લાયસન્સ માટે સમયમાં ફેરફાર 
• ડ્રાઈવિંગ સ્લોટ 15થી ઘટાડી 9 કરાયા
• એપોઈન્ટમેન્ટની પણ સંખ્યા વધારાઈ

શું તમે પણ ડ્રાઈવિંગ લાયસન્સ કઢાવવાની તૈયારી કરી રહ્યાં છો? શું તમે પણ તમારું વાહન ચલાવવા માટે સરકારનો પરવાનો રાખવા માંગો છો? તો તમારા માટે આ સમાચાર સૌથી અગત્યના છે. અમદાવાદના સુભાષબ્રિજ-વસ્ત્રાલ RTOમાં પાકા લાયસન્સ માટે સમયમાં ફેરફાર કરાયો છે.

દરેક સ્લોટમાં એપોઈન્ટમેન્ટની સંખ્યા વધારાઈ
RTOમાં પાકા લાયસન્સના ડ્રાઈવિંગ સ્લોટ 15થી ઘટાડી 9 કરાયા છે. જોકે,  દરેક સ્લોટમાં એપોઈન્ટમેન્ટની સંખ્યા વધારવામાં આવી છે. ટુવ્હિલરની 30 અને ફોર વ્હિલરની 20 એપોઇન્ટમેન્ટ કરાઇ છે. હવેથી અરજદારો લાયસન્સ માટે સવારના 9.30થી સાંજના 7 વાગ્યા સુધી જ ડ્રાઈવિંગ ટેસ્ટ આપી શકશે.  અગાઉ સવારના 6.30થી રાત્રિના 10 સુધી ડ્રાઈવિંગ ટેસ્ટ આપી શકાતો હતો.  આ નવા સમયપત્રકનો 13મી માર્ચથી અમલ શરૂ થઈ ગયો છે.  

9.30થી સાંજના 7 વાગ્યા સુધી આપી શકાશે ડ્રાઈવિંગ ટેસ્ટ
સુભાષબ્રિજ અને વસ્ત્રાલ આરટીઓ કચેરીમાં નવા સમયપત્રક મુજબ સવારે 9.30 વાગ્યાથી ડ્રાઈવિંગ ટેસ્ટની કામગીરી શરૂ થશે. જે બપોરે 2.30 વાગ્યા સુધી ચાલશે. આ પછી બપોરે 3 વાગ્યે ફરી કામગીરી શરૂ થશે. જે સાંજના 7 વાગ્યા સુધી ચાલશે. એટલે કે અરજદારો લાયસન્સ માટે હવે સવારના 9.30થી સાંજના 7 વાગ્યા સુધી ડ્રાઈવિંગ ટેસ્ટ આપી શકશે.

એપોઈન્ટમેન્ટની સંખ્યા વધારાઈ
આ સાથે હવે સ્લોટમાં ઘટાડો કરાયો છે. જોકે, તેની સામે ડ્રાઈવિંગ ટેસ્ટ માટે આવતા લોકોને અગવડતા ન પડે તે આશયથી એપોઈન્ટમેન્ટની સંખ્યા વધારવામાં આવી છે. અડધો કલાકના સ્લોટમાં ડ્રાઈવિંગ ટેસ્ટ માટે એપોઈન્ટમેન્ટની સંખ્યા વધારી દેવાઇ છે. જેમાં ટુવ્હિલરની 30 અને ફોર વ્હિલરની 20 એપોઇન્ટમેન્ટ કરાઇ છે.