World Cup 2023 / વર્લ્ડકપ ફાઇનલ પહેલા જ આ મામલે ધોનીથી આગળ નીકળ્યો રોહિત શર્મા, દાદાનો 20 વર્ષ જૂનો રેકૉર્ડ પણ ધ્વસ્ત

• કેપ્ટન રોહિત શર્માએ 2 નવા રેકોર્ડ બનાવ્યાં
• સેમીફાઈનલ જીતીને ધોની અને ગાંગુલીને પાછળ મૂક્યાં
• એક વર્લ્ડ કપ એડિશનમાં સૌથી વધુ મેચ જીતનારા કેપ્ટન બન્યાં

ભારતીય ટીમે બુધવારે 15 નવેમ્બરનાં ન્યૂઝીલેન્ડને માત આપીને ચોથી વખત વર્લ્ડકપનાં ફાઈનલ્સમાં પોતાની એન્ટ્રી કરી છે. વર્લ્ડ કપ 2023માં ટીમ ઈન્ડિયાને સતત 10મી વખત જીત મળી છે અને આ સાથે જ કેપ્ટન રોહિત શર્માએ તમામને પાછળ મૂક્યું છે. રોહિત આ મામલે ટીમ ઈન્ડિયાનાં સૌથી સફળ કેપ્ટન મનાતા એમ.એસ.ધોની અને સૌરવ ગાંગુલીથી પણ આગળ નિકળી ગયાં છે. રોહિત હવે ભારત માટે એક વર્લ્ડ કપ એડિશનમાં સૌથી વધુ મેચ જીતનારા કેપ્ટન બની ગયાં છે.

𝗢𝗻𝗲 𝘀𝘁𝗲𝗽 𝗰𝗹𝗼𝘀𝗲𝗿! 🏆#TeamIndia 🇮🇳 march into the FINAL of #CWC23 🥳#MenInBlue | #INDvNZ pic.twitter.com/OV1Omv4JjI

— BCCI (@BCCI) November 15, 2023

દાદા અને ધોની બંને પાછળ
રોહિત શર્માએ વર્લ્ડ કપ 2023 અત્યાર સુધીમાં કુલ 10 મેચ જીતી લીધી છે. જ્યારે સૌરવ ગાંગુલીએ 2003 વર્લ્ડ કપમાં કેપ્ટનશીપ કરતાં 9 મેચ જીતી હતી. એમ.એસ.ધોનીની વાત કરીએ તો તેમની કપ્તાનીમાં ભારતે 2015 વર્લ્ડ કપમાં 7 મેચ જીતી હતી. એટલે કે રોહિત હવે ધોની અને ગાંગુલી બંનેથી આગળ નિકળી ગયાં છે. ખાસ વાત તો એ છે કે રોહિત આ ટૂર્નામેન્ટની ફાઈનલનાં એકમાત્ર અજય કેપ્ટન છે. તમામ લીગ મેચ જીત્યાં બાદ સેમીફાઈન્લ્સમાં પણ તેમને જીત મળી છે.

ફાઈનલમાં પહોંચનારા ચોથા ભારતીય કેપ્ટન
આ સાથે જ રોહિત શર્મા વર્લ્ડ કપ ફાઈનલમાં પહોંચનારા ચોથા ભારતીય કેપ્ટન બની ગયાં છે. તેમના પહેલા કપિલ દેવ, સૌરવ ગાંગુલી અને એમ.એસ.ધોનીએ ટીમ ઈન્ડિયાને વર્લ્ડ કપ ફાઈનલમાં પહોંચાડ્યું હતું. રોહિત હવે ચોથા એવા કેપ્ટન બન્યાં છે.  રોહિતની કેપ્ટનશીપમાં ટીમ ઈન્ડિયા ત્રીજી વખત વિશ્વ વિજેતા બનવા ઈચ્છશે. કપિલ દેવે 1983 અને એમ.એસ ધોનીએ 2011માં પોતાની કેપ્ટનશીપમાં ભારતને વિજેતા બનાવ્યું હતું.