ઘણીવાર કેટલાક લોકો એર કંડિશનર (AC) ચલાવતી વખતે પંખો ચલાવતા નથી અથવા જ્યારે રૂમમાં ઠંડો થાય છે ત્યારે તેઓ ACની સ્વીચ બંધ કરીને પંખો ચલાવે છે. લોકો માને છે કે પંખો ગરમ હવા બહાર કાઢે છે, જે રૂમને ઠંડું નહીં કરે. જ્યારે તમે AC સાથે પંખો ચલાવો છો, ત્યારે પંખો આખા રૂમમાં યોગ્ય રીતે ઠંડી હવાનું પ્રસાર કરશે. તેનાથી તમને આરામ અને ઠંડકનો અનુભવ થશે. જ્યારે તમે એસી અને પંખો એકસાથે ચલાવતા હોવ ત્યારે રૂમની બારીઓ અને દરવાજા બરાબર બંધ કરી દો, જેથી બહારથી ગરમ હવા અંદર ન આવી શકે. આ રીતે રૂમની ઠંડી હવા પણ બહાર નહીં જાય. આમ કરવાથી તમારા AC ને પણ વધુ કામ કરવાની જરૂર નથી.
બીજી બાબત જે ખૂબ જ મહત્વપૂર્ણ છે તે એ છે કે જ્યારે તમે તમારા ઘરમાં ACની સાથે પંખો પણ ચાલુ રાખો છો, તો તે વીજળીની બચત કરે છે. આ માટે ACનું તાપમાન 24 થી 26 ની વચ્ચે જ સેટ કરો. પંખો પણ ફુલ સ્પીડથી નહીં, ધીમી સ્પીડથી ચલાવો. તેનાથી રૂમ ઝડપથી ઠંડક તો થશે જ, પરંતુ સીલિંગ ફેન ગરમ હવાને અંદર આવતા અટકાવશે.
ધીરે ધીરે પંખો રૂમના દરેક ખૂણામાં ACની હવા ફરતો કરશે. આનાથી રૂમ ઝડપથી ઠંડો થઈ જશે અને એસી ઓછા તાપમાને ચલાવવાથી તમારી વીજળીનો વપરાશ ઓછો થશે અને તમારું બિલ પણ ઘટશે. તાપમાન ઓછું રાખવાથી AC કોમ્પ્રેસર પર વધારે દબાણ નથી પડતું, જેનાથી બિલમાં ઘટાડો થાય છે.
જ્યારે તમે દિવસમાં 6-7 કલાક માત્ર AC ચલાવો છો, ત્યારે યુનિટની કિંમત વધી શકે છે, પરંતુ નીચા તાપમાને ACની સાથે પંખો ચલાવવાથી યુનિટની કિંમત ઘણી હદ સુધી ઘટી શકે છે.
માર્કેટમાં ઘણા પ્રકારના AC ઉપલબ્ધ છે, જેમાં સમય સેટ કરવાની સુવિધા પણ છે. તેથી જ્યારે પણ તમે AC ચલાવો ત્યારે તેનું ટાઈમર બે-ચાર કલાક માટે સેટ કરો અને પંખો ચાલુ કરો જેથી તમે રાત્રે આરામથી સૂઈ શકો.
વધુ વાંચો : હવેથી નવો નંબર રિસીવ કરતા જ સ્ક્રીન પર નામ આવી જશે, થવા જઇ રહ્યો છે મોટો ફેરફાર
આ રીતે જો તમે ઉનાળાની ઋતુમાં એસી ચલાવો છો તો વીજળીનું બિલ વધારે નહીં આવે અને તમે સખત ગરમીમાં તમારા દિવસ અને રાત આરામથી ઘરની અંદર વિતાવી શકો છો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલને ફોલો કરવા આ લિંક પર ક્લિક કરો
