કોલકાતા / 'CAA દેશનો કાયદો છે, તેને કોઇ ના રોકી શકે', પશ્ચિમ બંગાળથી મમતા દીદીને અમિત શાહની ખુલ્લી ચેલેન્જ, જુઓ શું કહ્યું

• અમિત શાહે કોલકાતામાં આવનારી લોકસભાની ચૂંટણીનું બ્યુગલ વગાડ્યું
• 2026માં પશ્ચિમ બંગાળમાં ભાજપની સરકાર બનાવવાનો દાવો પણ કર્યો
• મમતા બેનર્જી CAAનો વિરોધ કરી રહી છે પરંતુ તેનો અમલ થતા કોઈ રોકી શકશે નહીં

કેન્દ્રીય ગૃહ પ્રધાન અમિત શાહે બુધવારે કોલકાતાના ધર્મતલ્લામાં ભ્રષ્ટાચાર વિરુદ્ધ આયોજિત જાહેર સભામાં આવતા વર્ષે યોજાનારી લોકસભાની ચૂંટણીનું બ્યુગલ વગાડ્યું હતું અને વર્ષ 2026માં પશ્ચિમ બંગાળમાં ભાજપની સરકાર બનાવવાનો દાવો પણ કર્યો હતો. સાથે જ કેન્દ્રીય ગૃહ પ્રધાન અમિત શાહે કહ્યું કે નરેન્દ્ર મોદીની આગેવાની હેઠળની કેન્દ્ર સરકારને CAA લાગુ કરવાથી કોઈ રોકી શકશે નહીં. મમતા બેનર્જી પર પ્રહાર કરતા બોલ્યા હતા કે તેઓ આ રાજ્યની સરહદ પર 'ઘૂસણખોરી' રોકવામાં અસમર્થ છે.

This aerial video still doesn’t give a true picture of how massive BJP Bengal’s Prativad Sabha, addressed by Union Home Minister @AmitShah was. Every road leading to the historic Dharmatala was a sea of saffron. The outpouring of people is a sign of anger against Mamata Banerjee. pic.twitter.com/ei53nV5vUk

— Amit Malviya (@amitmalviya) November 29, 2023

જ્યાં ઘૂસણખોરી છે ત્યાં વિકાસ પર બ્રેક લાગી છે
શાહે ધર્મતલ્લામાં વિક્ટોરિયા હાઉસની સામે જાહેર સભામાં ભીડને કહ્યું કે મમતા બેનર્જી CAAનો વિરોધ કરી રહી છે. પરંતુ આ દેશનો કાયદો બની ગયો છે. હવે તેનો અમલ થતા કોઈ રોકી શકશે નહીં. જેઓ પાડોશી દેશોમાંથી હિન્દુ, શીખ, ખ્રિસ્તી, બૌદ્ધ અને જૈન ધર્મનું પાલન કરે છે અને ભારત આવ્યા છે તેઓને CAAના અમલીકરણને કારણે કોઈ સમસ્યાનો સામનો કરવો પડશે નહીં. જ્યાં ઘૂસણખોરી છે ત્યાં વિકાસ પર બ્રેક લાગી છે. ઘૂસણખોરી રોકવા માટે CAA જરૂરી છે. પીએમ મોદીએ કાશ્મીરમાંથી બંધારણની કલમ 370 હટાવીને બંગાળના પુત્ર ડૉ.શ્યામા પ્રસાદ મુખર્જીનું સપનું પૂરું કર્યું. જો આસામમાં ભાજપની સરકાર બનશે તો ત્યાં ઘૂસણખોરી અટકશે અને જો બંગાળમાં ભાજપની સરકાર બનશે તો અહીં પણ ઘૂસણખોરી અટકશે.

CAA દેશનો કાયદો છે અને તેને કોઈ રોકી શકશે નહીં
અમિત શાહે કોલકાતાના ઐતિહાસિક ધર્મતલ્લા ખાતે એક જાહેર રેલીને સંબોધિત કરી રાજ્યમાં ભાજપના લોકસભા પ્રચાર માટે ટોન સેટ કર્યો. તેમણે કહ્યું, “…શું ક્યારેય એવા રાજ્યમાં વિકાસ થશે જ્યાં આટલી ઘૂસણખોરી છે? તેથી જ મમતા બેનર્જી CAA નો વિરોધ કરી રહી છે…પરંતુ હું કહીશ કે CAA દેશનો કાયદો છે અને તેને કોઈ રોકી શકશે નહીં…અમે તેનો અમલ કરીશું.”

West Bengal stands up against the brazen corruption, unabated violence and unchecked infiltration unleashed by the TMC misrule.

People turned up in large numbers at the BJP's 'Prativad Sabha' and pledged to oust the atrocious TMC rule and form a double-engine government under… pic.twitter.com/ptsHr23h8e

— Amit Shah (@AmitShah) November 29, 2023

ચૂંટણી હિંસાના આંકડા રાષ્ટ્રીય સ્તરે બંગાળમાં સૌથી વધુ 
શાહે વધુમાં કહ્યું કે માત્ર બેનર્જી જ નહીં પરંતુ અગાઉની CPI(M) સરકારે પણ બંગાળના વિકાસ માટે કંઈ કર્યું નથી. તેમણે કહ્યું કે બંને શાસનોએ 'બંગાળ રાજ્યને બરબાદ કરી દીધું. ચૂંટણી હિંસાના આંકડા રાષ્ટ્રીય સ્તરે બંગાળમાં સૌથી વધુ છે અને તેઓ ઘૂસણખોરી અટકાવી શક્યા નથી . મતદાર કાર્ડ અને આધાર કાર્ડ ઘુસણખોરોને ખુલ્લેઆમ અને ગેરકાયદેસર રીતે વહેંચવામાં આવી રહ્યા છે અને તેઓ ચૂપ છે."

CAA શું છે?
CAA 2020 માં સંસદ દ્વારા પસાર કરવામાં આવ્યું હતું અને તેનો ઉદ્દેશ્ય અફઘાનિસ્તાન, બાંગ્લાદેશ અને પાકિસ્તાનના હિંદુઓ, શીખો, બૌદ્ધો, જૈનો, પારસીઓ અને ખ્રિસ્તીઓને ભારતીય નાગરિકતા પ્રદાન કરવાનો છે જેઓ 31 ડિસેમ્બર, 2014 પહેલા ભારતમાં પ્રવેશ્યા હતા.