આયોજન બધ્ધ / કરોડપતિ બનવું છે? આ આદતને અનુસરો અશક્ય પણ શક્ય બની જશે, એક દિવસમાં અમીર બનવાની વાતો હવામાં

• અમીર બનવા આટલા આદર્શનું કરો પાલન
• સૌ પ્રથમ આવકનો સ્ત્રોત વધારવો
• વિશ્વાસપાત્ર સ્કીમમાં પણ રોકાણ કરવું

અમીર બનવા માટે લોકો દિવસ રાત મથામણ કરતા હોય છે. પરંતુ 140 કરોડની વસ્તીમાં અમુક લોકો જ અમીર બની શકે છે. બધા લોકો અમીર બનાવવા માંગતા હોય પરંતુ અશક્ય વસ્તુ છે. ત્યારે કેટલીક આદતો સુધારવી તેનું સ્પષ્ટ પણે અમલ કરવામાં આવે તો આ આદતો અમીર બનવામાં મદદરૂપ થઈ શકે છે. 

આવકના અન્ય સ્ત્રોત ઉભા કરો

સૌ પ્રથમ આવકનો સ્ત્રોત વધારવો જોઈએ કારણ કે બધા લોકો જાણે છે કે અમીર માણસો માત્ર એક જ સ્ત્રોતથી કમાતા નથી. તેઓના આવકના અઢળક સ્ત્રોત હોય છે. જો તમેં પણ આવક વધારવા માંગો છો તો તમારે આવકના અન્ય સ્ત્રોત ઊભા કરવા જોઈએ. તમેં કોઈ કંપનીમાં કામ કર્યા બાદ અન્ય કંપનીમાં પાર્ટ ટાઈમ જોબ કરી શકો છો અથવા તમારી કુશળતાને અધિન તમે કોઈપણ કામ પાર્ટ ટાઈમ કરી શકો છો. આ ઉપરાંત અમુક વિશ્વાસપાત્ર સ્કીમમાં પણ રોકાણ કરવું જોઈએ. આ રોકાણ આવક વધારામાં મદદ કરે છે સાથે સાથે શેર માર્કેટ, રીયલ એસ્ટેટ, ફંડ રોકાણ સહિતના સ્થળોએ કરેલા રોકાણ અમુક ઇમર્જન્સી વેળાએ પણ સારું વળતર આપી શકે છે. પરંતુ અહીં ખાસ વાત એ છે કે કોઈપણ ક્ષેત્રમાં રોકાણ કરતા પહેલાએ વિષયનું જ્ઞાન હોવું જરૂરી છે.

નાણાના રોકાણ પહેલા જોખમ જુઓ

અમીર લોકોની એક એ પણ ખાસિયત હોય છે કે તેઓ રૂપિયાનું રોકાણ કરતા પહેલા તેના જોખમ મામલે વિશ્લેષણ કરી લેતા હોય છે. તેઓ નાણાકીય જોખમનો સામનો પણ કરતા હોય છે પરંતુ તે અન્ય પ્લેટફોર્મમાં રોકાણને પગલે વૈવિધ્યસભર પોર્ટફોલિયો બનાવે છે.શ્રીમંત લોકોને આવકના કોઈપણ સ્ત્રોતમાં નુકસાન થાય તો તેઓ અન્ય વ્યવસાય માંથી આ નુકસાનનું સરવાયું કરી શકે છે. અને તેમાં નફો મળે તો તેઓ અન્ય રોકાણ પણ કરે છે આથી તમારે પણ અમીર બનવા અલગ અલગ જગ્યાએ પોર્ટફોલિયો નક્કી કરવો જોઈએ.