પર્વમાં પુણ્ય / VIDEO : બોટાદમાં અખંડ દીવાની જ્યોત વચ્ચે ભાઈઓ બેસીને પ્રાચીન ગરબા ગાય, મહિલાઓ રાસ રમે, 75 વર્ષની પરંપરા

નવરાત્રી એટલે ભક્તિ અને શક્તિની આરાધનાનો પર્વ. આધુનિક યુગમાં ગરબાનું સ્વરૂપ બદલાયું છે, ત્યારે બોટાદના લીમડા ચોકમાં આવેલા ખોડિયાર માતાજીના મંદિરે આજે પણ 75 વર્ષ જૂની પરંપરા જીવંત છે. અહીં અખંડ દીવાની જ્યોત વચ્ચે ભાઈઓ બેસીને પ્રાચીન ગરબા ગાય છે, તો બહેનો પરંપરાગત રાસ-ગરબા રમી માતાજીની આરાધના કરે છે. ત્યારે જોઈએ ભક્તિ, શ્રદ્ધા અને સંસ્કૃતિના અનોખા સંગમ સમાન આ પરંપરાની વિશેષતા.

ન DJ, ન ઘોંઘાટ… બોટાદમાં અખંડ દીવાની જ્યોત વચ્ચે 75 વર્ષથી ગવાય છે પ્રાચીન ગરબા આધુનિક ગરબાના યુગમાં પણ બોટાદના લીમડા ચોકમાં આવેલા ખોડિયાર માતાજીના મંદિરે 75 વર્ષ જૂની પરંપરા આજે પણ જીવંત છે. અહીં અખંડ દીવાની જ્યોત વચ્ચે ભાઈઓ બેસીને પ્રાચીન ગરબા ગાય છે, જ્યારે બહેનો પરંપરાગત રાસ-ગરબા રમી માતાજીની આરાધના કરે છે. જેંતી હરગોવિંદના વારસદારો દ્વારા જાળવાતી આ પરંપરા ભક્તિ, શ્રદ્ધા અને સંસ્કૃતિના વારસાને નવી પેઢી સુધી પહોંચાડી રહી છે. #Botad #KhodiyarMataji #TraditionalGarba #Navratri #VTVDigital

— VTV Gujarati News and Beyond (@VtvGujarati) October 14, 2026

મારા ફાધરે આ પરંપરા શરુ કરી હતી. અત્યાર સુધી અમે આ પરંપરા ચલાવી, અમારા પછી અમારા સંતાનો આ પરંપરાને આગળ ધપાવે એવી માતાજીને પ્રાર્થના

હરેશભાઈ શાહ- ગરબા આયોજક

ભક્તિ અને શ્રદ્ધાનો અનોખો માહોલ

બોટાદના લીમડા ચોકમાં આવેલું પ્રાચીન ખોડિયાર માતાજીનું મંદિર... જ્યાં નવરાત્રીના પર્વમાં ભક્તિ અને શ્રદ્ધાનો અનોખો માહોલ જોવા મળે છે. અહીં આધુનિક ડીજે કે મોટા અવાજના સંગીતને બદલે પરંપરાગત રીતે બેસીને ગરબા ગાવાની અનોખી પરંપરા જાળવી રાખવામાં આવી છે. છેલ્લા 75 વર્ષથી ચાલી આવતી આ પરંપરાનું આયોજન જેંતી હરગોવિંદના વારસદારો દ્વારા કરવામાં આવે છે. ભાઈઓ એકસાથે બેસીને પ્રાચીન ગરબાના સૂર રેલાવે છે, જ્યારે બહેનો પરંપરાગત રાસ-ગરબા રમી ખોડિયાર માતાજીની આરાધના કરે છે. ગરબાના દરેક સૂર સાથે અહીં શ્રદ્ધા, આસ્થા અને વર્ષો જૂની પરંપરાની અનુભૂતિ થાય છે.વર્ષોથી આ પરંપરા ચાલે છે. 75 વર્ષથી અખંડ પરંપરા ચાલી રહી છે. રાતે બધાને નાસ્તો આપીએ છીએ. અમે ફંડ-ફાળો ઉઘરાવતા નથી. અમારા પૈસે જ કરીએ છીએ.

જયેશભાઈ શાહ-સ્થાનિક બોટાદ

અખંડ દીવાની જ્યોત આ ધાર્મિક પરંપરાની વિશેષતા

મંદિરમાં પ્રજ્વલિત અખંડ દીવાની જ્યોત આ ધાર્મિક પરંપરાની વિશેષતા છે. આધુનિકતાના આ યુગમાં પણ અહીં ગરબાને માત્ર મનોરંજન નહીં, પરંતુ ધાર્મિક આસ્થા, સંસ્કાર અને સાંસ્કૃતિક વારસાના પ્રતીક તરીકે જાળવવામાં આવે છે. આ પરંપરા નવી પેઢીને પણ પોતાની સંસ્કૃતિ અને મૂળ સાથે જોડવાનું કામ કરી રહી છે.

વધુ વાંચો : ગુજરાત યુનિ.ના પૂર્વ કુલપતિ નીરજા ગુપ્તાના પારકા પૈસે તાગડધિન્ના, લાખોના દાગીના ખરીદ્યાં, 6 હજારનું તો બ્લાઉઝ

75 વર્ષથી અવિરત ચાલી આવતી પરંપરા

એક તરફ અખંડ દીવાની જ્યોત અને બીજી તરફ પ્રાચીન ગરબાના સૂર... આ બંનેના સંગમ વચ્ચે ભક્તો માતાજીની આરાધના કરી ધન્યતા અનુભવે છે. 75 વર્ષથી અવિરત ચાલી આવતી આ પરંપરા બોટાદની સાંસ્કૃતિક ઓળખને પણ ઉજાગર કરે છે.

અમે 75 વર્ષથી માતાજીના ગરબા કરીએ છીએ. ફિલ્મી ગીતો પર ગરબા રમતા નથી. ફાળો કે ઉઘરાવતા નથી, અમારા પૈસાથી કરીએ છીએ. 75 વર્ષથી માતાજીનો અખંડ દિવો ચાલી રહ્યો છે.

શ્રદ્ધા અને સંસ્કૃતિના અનોખા સંગમ

આમ, બોટાદના લીમડા ચોકમાં આવેલું ખોડિયાર માતાજીનું મંદિર ભક્તિ, શ્રદ્ધા અને સંસ્કૃતિના અનોખા સંગમ સમાન છે. બદલાતા સમયની વચ્ચે પણ 75 વર્ષ જૂની આ પરંપરા આજે નવી પેઢી સુધી પહોંચીને આપણી સંસ્કૃતિ અને વારસાને જીવંત રાખી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ